Ölkə futbolu
“Bakı”nın üzvü: “Heç kimdən zəif deyilik”
Maddi problemləri olan “Bakı” nəhayət yeni mövs&u…
Maddi problemləri olan “Bakı” nəhayət yeni mövsümdə ilk qələbəsini qazandı. Futbolinfo.az xəbər verir ki, “zolaqlılar” 2:1 hesabı ilə debütand “Araz Naxçıvan”ı məğlub etməyi bacardı.
Saytımıza danışan paytaxt klubunun gənc hücumçusu Nurlan Novruzov qazandıqları ilk qələbəni belə şərh edib: “Çempionatda qazandığımız ilk qələbə idi. Komanda oyunu və kollektivin gücünə, inamına görə “Araz Naxçıvan”la qarşılaşmadan 3 xalla ayrıla bildik. Demək olar ki, 90 dəqiqə üstünlük bizdə idi. Rəqibi hər epizodda qabaqladıq. İndi bu qarşılaşmanı unudub, “Simurq”la oyuna köklənmişik. Növbəti matçın nə qədər vacib olduğunun fərqindəyik. Çünki növbəti 3 xalı alıb, alt pillələrdən uzaqlaşmaq istəyirik. Fikrimcə Premyer Liqada yaranan fasilə bizim işimizə yarayacaq. Bu, güc yağmağımız üçün əla şans olacaq. Qışa qədər maksimum xal toplamağı hədəfləyirik.Heç kimdən zəif deyilik”.