Müsahibə
"Neftçi" "Qarabağ" kimi böyük komanda deyil"
AZAL-ın konqolu hücumçusu Freddi Mombonqonun futbolinfo.a…
AZAL-ın konqolu hücumçusu Freddi Mombonqonun futbolinfo.az saytına müsahibəsi
– Topaz Premyer Liqasının 10-cu turu çərçivəsində "Sumurq"la 2:2 bərabərə qaldınız. Bu oyundakı nəticəni sizin üçün yaxşı hesab etmək olar?
– Xeyr. Düşünürəm ki, bu, yaxşı nəticə deyil. Hamı gördü ki, biz oyun zamanı necə vuruşurduq. Hesabda geriyə düşməyimizə baxmayaraq, 2 qol vurub önə keçdik. Lakin bir səhv ucbatından qapımızda növbəti qolu gördük və 2 xal itirdik. Hamı gördü ki, biz sona qədər yaxşı mübarizə apardıq.
– Cari mövsüm ilk matçda bu rəqibə uduzmuşduz. Həmin oyuna baxanda indi AZAL-ın daha güclü olduğunu deyə bilərik, ya necə?
– Bilirsiz, bu oyuna çox yaxşı hazırlaşmışdıq. Qalib gəlmək üçün çox yaxşı köklənmişdik. Yaxşı da mübarizə apardıq. Amma oyunun qurtarmağına sadəcə, 1 dəqiqə qalmışdı ki, səhv ucbatından qapımızda qol gördük və qələbəni əldən qaçırdıq. Hesab edirəm ki, növbəti oyunda, "Neftçi" qarşısında belə oynasaq, qalib gələcəyik.
– Ötən turdakı "Bakı" matçı ilə bu oyunu müqayisə etsək, arada böyük fərq görə bilərik. Sizcə, ötən turdakı zəif çıxışınızın səbəbi nə idi?
– "Bakı" matçında arxaya çəkilmişdik və ancaq əks-hücumlarda bəxtimizi sınayırdıq. Amma bu oyunda sona qədər hücum edib, qələbə qazanmağa çalışdıq. Düşünürəm ki, belə davam etsək, yaxşı olacaq. Çalışıb bu oyun səviyyəmizi saxlamalıyıq.
– Növbəti turda daha çətin rəqiblə, "Neftçi" ilə qarşılaşacaqsız. Həmin matçda da belə çıxış göstərə biləcəksiz?
– Çalışacağıq ki, belə davam edək. Çünki "Neftçi" "Qarabağ" deyil. "Neftçi" böyük komanda deyil ki. Əgər yaxşı hazırlaşıb, oyuna da yaxşı köklənsək, qələbə qazanacağıq. Gücümüzə inanırıq və həmin oyunda ancaq 3 xal üçün mübarizə aparacağıq.
– "Neftçi"nin heyətində Flavinyo, Julius Vobay kimi təcrübəli futbolçular var. Sizcə, rəqibin hansı oyunçusu sizə daha çox problem yarada bilər?
– Məncə, komandadakı istənilən oyunçu önəmlidi. Ancaq "Neftçi"də yox, bütün komandalarda elədi. Əsas olan öz oyunumuzdu. Çalışmalıyıq ki, öz oyunumuza yaxşı köklənək. Bunu edə bilsək, 3 xal qazana biləcəyik.
– AZAL bu mövsüm üçün yeni komanda qurdu. Siz də burada yenisiz. Mövsüm başlayandan bəri komandada müsbətə doğru hansı dəyişiklikləri müşahidə etmisiz?
– Dediyiniz kimi, yeni olmasına baxmayaraq, inkişaf var. Fikir verirsizsə, oyundan sonra biz çox yorğun oluruq. Çünki meydanda var gücümüzlə çalışırıq. Var gücünlə çalışanda məşqçilər də, rəhbərlik də komandanı dəstəkləyəcək. Biz gücümüzə inanırıq. Düzdü, bu gün 2 xal itirdik, amma belə davam etsək, növbəti turlarda daha yaxşı oyun göstərib, daha yaxşı nəticələr qazanacağıq.
– Mövsüm başlayandan AZAL Avropa Liqasına vəsiqə qazanmağı qarşısına əsas hədəf kimi qoyub. Sizcə, hazırkı heyət bunu bacaracaq gücdədi?
– Qarşıda hələ çox oyunumuz var. Futbolda hər şey mümkündü. Hesab edirəm ki, buna inanmalıyıq. İnanmasan, yaxşı köklənə bilməsən, nəyəsə nail olmaq çətindi. Əsas odu ki, gücümüzə inanaq və komanda şəklində mübarizə aparaq.
ELMAR VƏLİYEV
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…