Dünya futbolu
"Arsenal"da bir yaxşı, bir pis xəbər
"Arsenal"ın hücumçusu Olivie Jiru tezliklə mə…
"Arsenal"ın hücumçusu Olivie Jiru tezliklə məşqlərə başlayacaq. Futbolinfo.az xəbər verir ki, bu haqda "topçular"ın baş məşqçisi Arsen Venger məlumat verib: "Jirunun işləri yaxşı gedir. O, bərpa müddətini üç həftə qabaqlayıb. Düşünürəm ki, yığma komandaların oyunlarından sonra məşqlərə başlayacaq".
Xatırladaq ki, fransız forvard İngiltərə Premyer Liqasının 2-ci həftəsi çərçivəsində "Everton"la oynanılan matçda sıradan çıxmışdı.
Amma Jirunun sağalması ilə yanaşı, başqa bir oyunçunun zədələnmə xəbəri bərabər gəlib. Söhbət Cek Uilşirdən gedir. İngiltərə Premyer Liqasının X turu çərçivəsində "Bernli" ilə oynanılacaq matçda o, komandasına kömək edə bilməyəcək.
London klubunun rəsmi saytının xəbərinə görə, ingilis futbolçu məşq zamanı dizindən zədə alıb.
Cari mövsümdə 9 matçda forma geyən Uilşir 1 qol və 1 məhsuldar ötürmə ilə yadda qalıb.