Connect with us

Müsahibə

Zaur Əzizov: "Muntyanunun getməsi gündəmdə deyil"

“Qəbələ”nin baş meneceri Zaur Əzizovun futbolinfo.az …

-də paylaşıldı

“Qəbələ”nin baş meneceri Zaur Əzizovun futbolinfo.az saytına müsahibəsi:
 
– “Bakı” ilə oyun ərəfəsində komandada nə yenilik var?
– Hazırda komandada elə də ciddi bir yenilik yoxdu. Futbolçular baş məşqçinin planına əsasən oyuna hazırlaşırlar.
 
– Son iki turda qazanılan qələbələr “Qəbələ”nin özünə gəldiyini deməyə əsas verir?
– Xeyr. Çempionat elədi ki, istənilən rəqibi məğlub etmək olur. Tam istədiyimiz “Qəbələ”ni hələ görmürük. Amma komanda psixoloji cəhətdən daha yaxşı vəziyyətdədi.
 
– Ötən ildə olduğu kimi, yeni mövsümdə də “Qəbələ” tam olaraq komanda oyunu nümayiş etdirə bilmir. Əsasən futbolçuların fərdi ustalıqlarına güvənilməsinin səbəbi nədi?
– Ötən mövsüm komanda daha baxımlı oyun nümayiş etdirirdi. Çünki usta futbolçular var idi. Bu il ötən mövsümə nisbətən kollektiv oyun nümayiş etdirməyə çalışır. Sadəcə, baş məşqçinin verdiyi tapşırıqlar tam yerinə yetirilmir. Baş məşqçinin fəlsəfəsi belədi.
 
– Sizə elə gəlmirmi ki, yayda transfer edilən əcnəbi futbolçuların ustalıq səviyyəsi ötən mövsüm “Qəbələ”də çıxış edən legionerlərin ustalıq səviyyəsindən çox geri qalır?
– Ötən mövsüm futbolçular Yuri Syominin istəyi əsasında komandaya cəlb olunurdu. Bu, Dorinel Muntyanunun da vaxtında belədi. Andrea Kristya Rumıniyadan Azərbaycana gələn futbolçuların içində karyera baxımından ən zəngin olanıdı. Amma görürük ki, nəticələr fərqlidi. Ötən il heyətdə çıxış edən futbolçular ilk matçlarındaca komandaya öz tövhəsini vermişdi. Yeni mövsümdə hələ də gözləyirik. Baş məşqçi də istədiyi oyunu görmədiyi etiraf edir. Buna baxmayaraq, yenə də hədəfimizdən uzaqlaşmamışıq. Oyun ürəkaçan olmasa da, liderlər qrupunda qərarlaşmağımız gələcəyə nikbin baxmağımıza ümid verir.
 
– Geridə qalan mövsümdə hansı futbolçunu əlinizdən buraxdığınıza görə məyus olduz?
– Komandadan gedən futbolçuların hamısı bizim üçün dəyərli idi. Gəlin nəzərə alaq ki, Ebesilio, Leonardo, İbrahim Niasse Azərbaycandan Rusiya Premyer Liqasına getdi. Rusiyada ödənilən məbləğlərlə bizim verəcəyimiz pul arasında iki dəfə böyük bir fərq var idi. Biz də futbolçuların getməməsinə görə qarşılarında dayanmadıq. Getmələrinə etiraz etmədik. Ebesilio Donetsk "Metallurq"undan icarə əsasında gəlmişdi. Leonardonun intizam baxımından komandada qalmasına bir o qədər də maraqlı deyildik.  Əslində Subotiçlə son günlərə qədər razılaşmışdıq. Ancaq o, daha yaxşı tanıdığı məşqçinin yanına getməyə qərar verdi. Küveytdə bir qədər artıq pul qazanmağa üstünlük verdi. Kiminsə getməyinə üzüldüyümüzə dair düşünmürük. İndi yeni komandayıq, liderlər qrupundayıq. Uğurlu heyəti uzun müddət saxlamaq üçün çalışmalıyıq.
 
– Qış fasiləsində heyət baxımından islahatların olacağı gözlənilir?
– Ciddi dəyişiklər olmayacaq. Bu, dəqiqdi. Ola bilsin ki, bir-iki futbolçu dəyişikliyi reallaşsın.
 
– Transfer dönəmində yerli, yoxsa əcnəbi futbolçulara üstünülük verəcəksiz?
– Bu gün komandamızın aparıcı qüvvəsi yerli futbolçulardı. Biz yerli və xarici futbolçular arasında fərq qoymuruq. Ümumi götürsək, yerli futbolçulardan narazı deyilik. Hər kəs komandanı irəli aparmaq üçün maksimum çalışır. Baş məşqçinin istəyinə uyğun yerli futbolçu olarsa, çalışmalarımız olacaq. Amma yayda yerli futbolçu tapmaq çətin olur, nəinki, qışda. Ona görə də yerli futbolçu almaq çətin görünür. Bütün bu məsələlər yaxın həftələrdə bəlli olacaq.
 
– Ruslan Abışovun icarə müqaviləsi də bitmək üzrədi. Məsələdə nə kimi dəyişiklik var?
– Yaxın həftələrdə məsələ ilə bağlı Ruslanla danışacağıq. Məsələ ilə bağlı futbolçunun hələlik fikrini dağıtmaq istəmirik. İstədiyi formaya qayıtmağa yaxındı. Məşqlərdə çox çalışır. Son oyunda da komandaya çox kömək etdi. Düzdü, zədəyə görə bir neçə oyun buraxdı. Yaxın günlərdə onun məsələsi ilə bağlı işə başlayacağıq.
 
– Demək olarmı ki, Marat İzmaylov kimi Ruslan Abışov da formaya düşmək üçün “Qəbələ”dən tramplin kimi istifadə edir?
– Bu gün Ruslan Abışov bizə yardım göstərir. Onunla yarım illik müqaviləmiz var və şərtlərimiz də buna uyğundu. Ola bilər ki, mövsümün sonuna qədər komandamızda çıxış etsin. Müdafiəçinin “Qəbələ”yə hansı şəkildə kömək edəcəyini görmək bizim üçün də vacib idi. Ümid edirəm ki, hər iki tərəf üçün düzgün qərar verib, məsələni müsbət yekunlaşdıracağıq.
 
– Ölkəmizdə əksər klublar məşqçilərə çox vaxt tanımır. Ardıcıl bir neçə uğursuz nəticə onlarla yolların ayrılmasına gətirib çıxarır. Qarşıda “Qəbələ”də belə bir durum yarana bilər?
– Təəssüflə bildirməliyəm ki, bizim də uzun müddət əməkdaşlıq etdiyimiz məşqçi olmayıb. Amma ümid edirik ki, bu dəfə Muntyanu ilə əməkdaşlığımız uzunmüddətli olacaq. Hazırda bizi narahat edən bir məqam yoxdu. Komandanın çıxışı qənaətbəxşdi. Təbii ki, daha yaxşısını gözləyirik. Bununla bağlı məşqçi ilə söhbətdə də ona istənilən şəraitin yaradılacağı bildirilib. Rumın çalışdırıcı da vaxt lazım olduğunu deyib. Dəqiq olan bir məsələ var ki, Muntyanu ilə 1 illik müqavilə imzalayanda şərt kəsmişik – ölkəmizdə olan şəraiti görsün, bir-birimizi tanıyaq. Qarşılıqlı şəkildə müqavilənin qışda 2 və ya 3 illik uzadılmasına dair razılıq əldə olunsun. Yəqin ki, qışda bu məsələyə bir də qayıdacağıq. Onunla əməkdaşlıq yenidən müzakirə olunacaq.
 
– Bəs, məşqçi necə fikirləşir: “Qəbələ”də uzun müddət qalmaq niyyətindədi?
– Məşqçi ilə qələbə qazandıq-qazanmadıq, hər oyundan sonra söhbətimiz olur. Son görüşdə bizi narazı salan məqamları danışdıq. Dorinel Muntyanu da narazılıqların birbaşa məşqçiyə deyilməsinə sevindi. O da bizə klubun şərtlərindən olduqca razı qaldığını bildirdi. Hər zaman bizim dəstəyimizi hiss edir.
 
– Xarici mətbuat Muntyanunun Rumıniya millisinə gedəcəyi ilə bağlı xəbər yaymışdı. Rumın çalışdırıcı da bundan imtina edib. Bu, nə dərəcədə doğrudu?
– Rumıniya mətbuatında şayiələr bol olur. Amma olmamış bir şey haqda məşqçi ilə danışmaq qeyri-ciddi olar. Bizə məsələ ilə bağlı məşqçi tərəfindən heç nə deyilməyib. Çalışdırıcının getmək fikri olsa, sözsüz ki, oturub danışacağıq. Getmək istəyən adamı güclə saxlamazlar. Hazırda belə bir məsələ gündəmdə yoxdu.
 
– “Qəbələ”nin sabiq baş məşqçisi Yuri Syominlə klubla bağlı görüşləriniz, müzakirələriniz olur?
– Telefonla danışırıq. Ən son Qurban bayramında bizi təbrik etmişdi. Sözsüz ki, normal münasibətimiz davam edir. Komandamızı, futbolçularımızı soruşur. Hətta bir ara Muntyanu Dodonu intizamsızlığına görə komandadan uzaqlaşdıranda zəng etmişdi. Uzun müddət əsas heyətdə braziliyalını istifadə etməyəcəyimiz təqdirdə onun “Mordoviya”ya keçməsi ilə bağlı bizimlə danışmaq istəyirdi.
 
– Normal münasibətlərin davam etməsi nəticəsində ola bilərmi ki, “Qəbələ”yə dönsün?
– Syominin bu gün “Qəbələ”yə qayıtmasından söhbət gedirsə, belə bir ehtimal sıfra bərabərdi. Amma bir-iki ildən sonra nə olacaq, nə dəyişəcək – bunu bilmirik.
 
EMİN SƏFƏROV

Arxiv

Dünya futbolu2021-01-19 01:54

“Arsenal”dan darmadağın

Dünya futbolu2021-01-19 01:39

İbrahimoviçin dublu “Milan”a qələbə qazandırdı

Dünya futbolu2021-01-18 22:44

“Traktor” doğma meydanda uduzdu

Dünya futbolu2021-01-18 22:22

“Fənərbaxça”dan inamlı qələbə

Dünya futbolu2021-01-18 22:00

Premyer Liqada koronavirusa 16 yeni yoluxma

Dünya futbolu2021-01-18 21:33

“Bavariya”nın hücumçusu zədələndi

Dünya futbolu2021-01-18 21:00

Yığmanın baş məşqçisi istefa verdi – Bekhemin klubuna görə

Ölkə futbolu2021-01-18 20:32

“Azərbaycandakı şəraiti görəndə təəccübləndim”

Dünya futbolu2021-01-18 20:00

“Barselona”nı məğlub edib, tarixə düşdü

Ölkə futbolu2021-01-18 19:41

“İmkanlardan maksimum yararlanmağa çalışıram” – VİDEO

Ölkə futbolu2021-01-18 19:23

“Qəbələ”nin “Zirə” ilə 23-cü dueli

Digər2021-01-18 19:00

Kəlbəcərin Alolar kəndi – VİDEO

Digər2021-01-18 18:44

Azərbaycanda koronavirusa 118 yeni yoluxma

Müsahibə2021-01-18 18:32

“Neftçi”nin liderliyi üzərimizdə təzyiq yaratmır”

Ölkə futbolu2021-01-18 17:47

“Neftçi” günü bir məşqlə başa vurdu

Dünya futbolu2021-01-18 17:07

Milli komandada baş məşqçi ayrılığı

Dünya futbolu2021-01-18 16:37

“Çelsi”dən Super Liqa klubuna

Dünya futbolu2021-01-18 15:53

Millimizin futbolçusunun Niderland klubunda debütü niyə ləngidi?

Ölkə futbolu2021-01-18 15:14

“Sumqayıt” ayrılığı rəsmən açıqladı

Ölkə futbolu2021-01-18 14:43

“Ən böyük səhvim Azərbaycandan ayrılıb, “Peykan”a qoşulmaq oldu”

Ölkə futbolu2021-01-17 13:36

“Neftçi” PFK-nın bədən testi – VİDEO

Ölkə futbolu2021-01-14 23:54

“Sabah”a qələbə üçün bir qol bəs etdi – VİDEO

Ölkə futbolu2021-01-14 22:47

“Neftçi” – “Keşlə” oyununda 7 qol – VİDEO

Ölkə futbolu2021-01-14 20:17

Samir Abasov: “Bu gün sevindirici məqamlar daha çox idi” – VİDEO

Ölkə futbolu2021-01-14 13:45

“Neftçi”də “Sağlamlıq durumu” – VİDEO

Ölkə futbolu2021-01-13 15:46

Hazırlığın 10-cu günü “Neftçi TV”nin gözü ilə – VİDEO

Ölkə futbolu2021-01-12 17:01

“Neftçi”nin legioneri toplanışı dəyərləndirdi – VİDEO

Ölkə futbolu2021-01-11 01:25

“Sumqayıt” – “Zirə” matçında 5 qol – VİDEO

Ölkə futbolu2021-01-10 19:40

“Neftçi” “Kəpəz”i məğlub yola saldı – VİDEO

Ölkə futbolu2021-01-10 19:34

Samir Abasov: “Həm razı, həm də narazı salan məqamlar oldu”

Ölkə futbolu2021-01-10 13:18

“Neftçi”də “Sağlamlıq durumu” açıqlandı – VİDEO

Ölkə futbolu2021-01-09 18:47

“Çempion olmaq istəyirik” – VİDEO

Ölkə futbolu2021-01-07 22:29

“Günün 20 saatını hücumçu məsələsinə həsr edirik” – VİDEO

Ölkə futbolu2021-01-07 20:37

“Keçmişə baxmıram, yalnız gələcək haqda düşünürəm” – VİDEO

Ölkə futbolu2021-01-07 17:21

Aqil Məmmədovla “Piramida” – VİDEO

Ölkə futbolu2021-01-07 16:22

“Futbolçuların gəlməsi ilə bağlı heç bir problem yoxdur” – VİDEO

Ölkə futbolu2021-01-07 12:00

“Ailəmin yanında olmağım çox yaxşı oldu” – VİDEO

Ölkə futbolu2021-01-05 20:27

Aqil Məmmədov: “Çalışırıq ki, növbəti oyunlara tam hazır olaq”

Ölkə futbolu2021-01-05 19:40

“Hazırlıqda bəzi dəyişikliklər etmək istəyirəm” – Etibar Tarıverdiyev

Ölkə futbolu2021-01-04 21:09

Aqil Məmmədovla “Piramida”

Gündəm

WeCreativez WhatsApp Support
Futbol info ilə birbaşa əlaqə qurun
Salam, sizə necə kömək edə bilərik?