Hollandiyanın ulduzu Aryen Robben komandanın baş məşqçisi Lui Van Qalın Kosta Rikayla oynanılan qarşılaşmanın taleyini həll edən Tim Krul əvəzləməsinə fikir bildirib. Futbolinfo.az xəbər verir ki, o, bunu dahi hərəkət adlandırıb:
"Sillessen də daxil olmaqla oyunçulardan heç kim Van Qalın ehtiyatda belə bir variantının olduğunu bilmirdi. Bizim məşqçimiz həqiqi sehrbazdı. Penalti vurmaq lazım gəldi. Hansı ki, bu sahədə Hollandiya keçmişdə uğursuzluqlar yaşamışdı. Amma biz psixoloji cəhətdən proseduru yerinə yetirməyə hazır idik".
Maraq üçün qeyd edək ki, Krul 120-ci dəqiqədə məhz penaltilər seriyası üçün oyuna daxil olmuşdu və nəticədə 2 zərbəni dəf edərək komandasına qələbəni gətirmişdi.