"Atletiko”nun müdafiəçisi Dieqo Qodin "Mançester Yunayted"in maraq dairəsinə düşüb. Futbolinfo.az xəbər verir ki, “qırmızı şeytanlar”ın baş məşqçisi Lui van Qaal uruqvaylı futbolçu ilə müdafiə xəttində olan boşluğu doldurmaq niyyətindədi.
İngiltərə klubunun vitse-prezidenti Ed Vudvard Qodin üçün istənilən 28 milyon funtu ödəmək gücündə olduqlarını bildirib.
Qeyd edək ki, MY 28 yaşlı futbolçudan əlavə, Ron Vlaar ("Aston Villa"), Mats Hummels ("Borussia"), Rafael Varan ("Real"), Fabian Şaar ("Bazel") və Aleksandr Draqoviç ("Dinamo" Kiyev) kimi müdafiəçilərlə maraqlanır.