FİFA İspaniyanın iki klubunu – “Real” və “Atletiko”nu cəzalandırıb. Futbolinfo.az xəbər verir ki, buna səbəb hər iki Madrid təmsilçisinin 18 yaşdan aşağı futbolçu transfer edərkən qayda pozuntusuna yol verməsidi.
Buna görə də, ali futbol qurumu İspaniya nəhənglərinə qarşıdakı iki “transfer pəncərəsi”ndə heyətinə futbolçu qatmağı qadağan edib. Lakin klubların heç biri bu qərarla razılaşmır və onlar İdman Arbitraj Məhkəməsinə şikayət etməyə hazırlaşırlar.