Bu gün Topaz Premyer Liqasında XVI tura start verilib. Futbolinfo.az xəbər verir ki, "İnter" doğma meydanda "Sumqayıt"ı qəbul edir.
Hazırda "İnter Arena"da keçirilən qarşılaşmada gərgin anlar yaşanıb. Oyunboyu əsəbi görünən qonaq komandanın baş məşqçisi Samir Abasov fasilə fiti səslənən kimi meydanın mərkəzinə gedərək, Rəvan Həmzəzadənin rəhbərlik etdiyi hakimlər briqadasına kəskin etiraz edib. Çalışdırıcını çətinliklə sakitləşdiriblər.