“Qarabağ”dan ayrılan Samuel Armenteros daha bir təklif alıb. Futbolinfo.az xəbər verir ki, isveçli hücumçunu “Herenven”in ardınca “Villem II” klubu da istəyir.
Hollandiya təmsilçisi hazırda azad agent statusu daşıyan futbolçunu heyətinə qatmaq niyyətindədi. “Villem II” Armenteros üçün yad komanda deyil. 26 yaşlı forvard 2014-2015 mövsümünü icarə əsasında məhz bu klubun heyətində keçirib.
Lakin keçidin baş tutması üçün “Villem II” rəqabətdən qalib ayrılmalıdı. Armenterosun üstünlüyü “Herenven”ə verəcəyi gözlənilir.
Qeyd edək ki, Topaz Premyer Liqasının başa çatan mövsümündə 23 oyunda iştirak edən Armenteros 7 qola imza atıb. (Apasport)