Makedoniya yığmasının baş məşqçisi İqor Angelovski Avstriya toplanışı çərçivəsində Azərbaycan üzərində qazandıqları qələbədən danışıb. Futbolinfo.az xəbər verir ki, o, 3:1 hesablı qələbə ilə bağlı bunları söyləyib:
"Qarşıda bizi İranla yoxlama oyunu gözləyir. Bu komanda Asiyanın nəhənglərindən hesab olunur. Onların maraqlı heyəti və yaxşı baş məşqçisi var. Bizim üçün ağır oyun olacaq. Amma nəticə qazanmaq vacibdir. Son oyunda Azərbaycana qalib gələ bildik. Lakin bu, eyforiyaya qapılmağımıza səbəb olmamalıdır".