Bu gün "İnter"in prezidentinin səlahiyyətlərini müvəqqəti icra edən Rüfət Abdullayev "İnter" Azarkeş Klubunun üzvləri ilə görüşüb. Futbolinfo.az xəbər verir ki, "İnter Arena"nın mətbuat konfransı zalında baş tutan görüşdə Rüfət Abdullayev komandaya göstərdikləri dəstəyə görə azarkeşlərə minnətdarlığını bildirib.
R.Abdullayev vurğulayıb ki, klub rəhbərliyi bundan sonra da azarkeşlərlə münasibətlərinin yüksək səviyyədə saxlanılmasına çalışacaq. "İnter" Azarkeş Klubu üzvlərinin fikir və təkliflərini dinləyən Rüfət Abdullayev belə xoş münasibətlərin daha da inkişaf edəcəyinə əmin olduğunu açıqlayıb.
