DÇ-2018-in seçmə mərhələsi çərçivəsində Bakıda keçiriləcək Azərbaycan – Almaniya matçını izləməyə gələcək alman azarkeşlər paytaxtımızda futbol yarışı keçirəcəklər. Futbolinfo.az xəbər verir ki, bu barədə Almaniya Futbol Federasiyasının rəsmi saytı məlumat yayıb.
Məlumatda bildirilir ki, martın 26-da günorta saatlarında “Bayıl Arena”da keçiriləcək oyunlarda fan-klubun üzvləri komandlara bölünəcək və üz-üzə gələcəklər.
Qeyd edək ki, 800-dək alman azarkeş matça canlı baxmaq üçün ölkəmizə gələcək. Bundan başqa, martın 29-u komandanın fan-klubunun yaranma günüdür. Bu səbəbən onların matç üçün bilet və Bakıda yemək xərclərini məşhur şirkətlərdən biri ad günü hədiyyəsi olaraq öz öhdəsinə götürüb.
Azərbaycan – Almaniya qarşılaşması martın 26-da, saat 20:00-da, Tofiq Bəhramov adına Respublika stadionunda keçiriləcək.