Bu gün reallaşan məşqlə “Kəpəz” Gəncədə AZAL-a qarşı keçirəcəyi oyunun Bakı hazırlığını başa vurub. Futbolinfo.az xəbər verir ki, komanda sabah Nizami yurduna gələcək və matç öncəsi son məşqini oyuna ev sahibliyi edəcək şəhər stadionunda keçirəcək.
Hazırlıq prosesi saat 16:00-a təyin olunub.
Qeyd edək ki, “sarı-göylər”in heyətində zədəli futbolçu yoxdur. Ötən həftə məşqlərin birində zədələnən Tural Nərimanov tam sağalıb və son iki gündə komanda ilə birgə məşq edib. Ötən tur “Qəbələ” ilə oyunda epizodların birində xəsarət alan Renan da Silvanın müəyyən ağrıları olsa da, braziliyalı artıq özünü yaxşı hiss edir.