İtaliyanın "Kalyari" klubu növbəti transferini rəsmiləşdirib.
Futbolinfo.az xəbər verir ki, A Seriyası təmsilçisi elitanın iddialılarından olan "Napoli"nin forvardı Leonardo Pavolettini heyətinə cəlb edib. Bu barədə sözüedən klubların rəsmi saytları məlumat yayıb. 28 yaşlı futbolçu 1 illik icarəyə götürülüb.
İtaliyalı futbolçu "Napoli"yə bu ilin yanvar ayında keçib və Napoli təmsilçisinin heyətində cəmi 6 rəsmi oyuna çıxıb, qol vura bilməyib.
Pavoletti karyerası ərzində "Armando Piççi", "Viareccio", "Paviya", "Yuve Stabiya", "Kasale", "Virtus Lansiyano", "Sassuolo", "Vareze" və "Cenoa" klublarında da forma geyinib.