“Real” Cud Bellingemin transferini rəsmən açıqladı. Madridlilər Dortmund “Borussiya”sından 103 milyon avroya aldığı yarımmüdafiəçini ictimaiyyətə təqdim etdi.
Futbolinfo.az xəbər verir ki, İngiltərə millisinin üzvü 6 illik müqaviləyə imza atıb. Almanlar bir həftə öncə onunla vidalaşdıqlarını elan etmişdisə, “Real” məhz bu gün onu ictimaiyyət qarşısına çıxartdı.
İllik məvacibi 10-12 milyon avro olacaq 19 yaşlı yarımmüdafiəçi 2020-ci ildə “Birmingem”dən Dortmund klubuna 30 milyon avroya transfer edilmişdi.