“Real”da gözlənilən müqavilə rəsmiləşib. Madridlilər Toni Kroosla bitən anlaşmanın müddətini gələn mövsümün sonunadək uzadıb.
Futbolinfo.az xəbər verir ki, başqa kluba keçmək istəməyən, karyerasını Madriddə başa vurmaq niyyətində olan Kroos arzusuna çatıb. Səudiyyə Ərəbistanından gələn xeyli təklifi rədd edən yarımmüdafiəçi gələn yay butslarını birdəfəlik çıxaracaq.
2014-cü ilin yayında “Bayern”dən transfer edilən futbolçu 10 ilin tamamında “Real”la vidalaşacaq.