“Zirə” növbəti transferini rəsmiləşdirmək üzrədir.
Futbolinfo.az saytının əldə etdiyi məlumata görə, qəsəbə təmsilçisi
İtaliyanın “İnter” klubunun yetirməsi Pyerr Zebli ilə güclənməyə hazırlaşır.
25 yaşlı dayaq yarımmüdafiəçisi paytaxt təmsilçisi ilə razılığa gəlib. Artıq Bakıda olan futbolçu tibbi müayinələrdən də uğurla keçəcəyi halda, rəsmi müqaviləyə imza atacaq.
Ötən mövsümü Bolqarıstan “Lokomotiv”ində (Plovdiv) keçirən orta sahə oyunçusu “İnter” akademiyasının yetirməsi olsa da, Milan klubunun əsas komandasında çıxış etməyib. 2016-cı ildə Fil Dişi Sahilinin U-20 yığmasında çıxış etmiş yarımmüdafiəçi İtaliyada “Peruca”, “Askoli”, “Kattolik”, Belçikada “Genk”, Bolqarıstanda isə “Tsarsko” və “Lokomotiv”in formasını geyinib.