İlin ən yaxşı oyunçusuna verilən “Qızıl top” mükafatına namizədlər arasında “Əl Nəsr”in futbolçusu Kriştianu Ronaldo yer almayıb. O, 30 nəfərin olduğu siyahıda yoxdur.
Bu, son 20 ildə ilkdir. 38 yaşlı hücuçu sonuncu dəfə 2003-cü ildə namizədlər arasında olmayıb.
Qeyd edək ki, Ronaldo 2023-cü ilin yanvarında “Əl Nəsr”ə (Səudiyyə Ərəbistanı) keçib. Futbolçunun klubla müqaviləsi 2025-ci ilə qədərdir. Portuqaliyalı forvard komandanın heyətində 24 oyunda 20 qol vurub və 7 qolun ötürməsini edib.
“Qızıl top”un təqdimetmə mərasimi oktyabrın 30-da olacaq. Mükafatın son qalibi bu yay “Real”dan ayrılaraq “Əl İttihad”a keçən Kərim Benzemadır.