“Araz-Naxçıvan” yeni transferə hazırlaşır. Muxtar Respublika təmsilçisi heyətini yerli futbolçu ilə gücləndirəcək.
Futbolinfo.az xəbər verir ki, limit üzündən sıxıntı çəkən komanda “Sabah”dan İldar Ələkbərovu mövsümün sonunadək icarəyə götürəcək. 22 yaşlı cinah müdafiəçisi ilə razılıq əldə olunub. Futbolçu bu gün tibbi müayinədən keçdikdən sonra rəsmi müqavilə bağlayacaq.
Rusiya futbol məktəbinin yetirməsi olan İldar 2021-ci ilin yayında “Nefteximik”dən gəlib. “Sabah” əsas heyətə düşməkdə çətinlik çəkən oyunçusunun oyun praktikası qazanması üçün bu keçidə razılaşıb.