Keçmiş “Alpha Tauri”, hazırda isə “Visa Cash App RB” adlanan Formula 1 komandası fevralın 8-də bu mövsüm üçün yeni avtomobilini təqdim edəcək. Bu barədə komandanın mətbuat xidməti xəbər verib.
Daha əvvəl yayılan xəbərə görə, komandanın yeni bolidinin fevralın 9-da təqdim oluna biləcəyi qeyd edilmişdi. Bu xəbərdən sonra “Haas” istisna olmaqla, Formula 1-də iştirak edən bütün komandaların yeni avtomobillərinin təqdimat tarixləri məlumdur.
Yeni mövsümdə çempionatın təqviminə 24 mərhələ daxil olacaq. 2024-cü il mövsümü martın 2-də Bəhreyndə başlayacaq və dekabrın 8-də Əbu-Dabidə başa çatacaq.
Xatırladaq ki, ötən mövsüm “Alpha Tauri” 25 xal toplamaqla 10 komanda arasında səkkizinci yeri tutmuşdu. Qalib isə “Red Bull” komandası olmuşdu.