İtaliyanın “Napoli” klubu Yannik Sinnerin Novak Cokoviç üzərində qələbəsindən sonra onu təbrik edib. Xatırladaq ki, italyan tennisçi “Australian Open”in finalına yüksəlib.
“Təbriklər, Yannik”, – deyə Neapol klubunun rəsmi sosial şəbəkə hesablarında qeyd edilir.
“Böyük dəbilqə” seriyalı turnirin yarımfinalında dünya reytinqinin 1 nömrəsi Novak Cokoviç Yannik Sinnerə 4 setdə məğlub olub. Oyun 3 saat 26 dəqiqə davam edib. Bu müddət ərzində Sinner 9 eys və 6 breyklə yadda qalıb. Dünya reytinqinin 4 nömrəsi olan Sinner karyerasında ilk dəfə “Böyük dəbilqə” seriyalı turnirin finalına çıxıb.