Misli Premyer Liqasının 21-ci turu əlamətdar oldu. Keçiriən 5 oyunun hamısında bütün komandalar qol vura bildi.
Futbolinfo.az xəbər verir ki, bu, cari mövsümdə ilk belə haldır. İndiyədək heç bir turda bütün komandalar fərqlənə bilməmişdi.
Daha öncə iki dəfə komandalar buna yaxın olmuşdu. 3-cü turda “Kəpəz”, 20-ci turda isə “Zirə” ümumi mənzərəni pozmuşdu. Maraqlıdır ki, bu komandaların şəxsi duelinin qolsuz bitdiyi 10-cu turda da digər Premyer Liqa iştirakçılarının hamısı toru silkələyə bilmişdi.
