“Biz həmişə olduğu kimi, maksimum gücümüzü meydanda qoyacağıq”. Bunu futbolinfo.az-a açıqlamasında “Turan Tovuz”un futbolçusu Belajdi Pusi deyib.
Albaniyalı oyunçu Misli Premyer Liqasının 29-cu turunda “Sabah”a qarşı keçirəcəkləri matçdan danışıb: “Bu matça hazırıq. 3 xal üçün meydana çıxacağıq. Düşünürəm ki, istəyimizə nail ola bilərik”.
Pusi son oyunda meydana çıxmamasından və ümumiyyətlə, bu mövsüm az oynamasından danışıb: “Baş məşqçinin qərarı idi. Meydana çıxmağa hər zaman hazıram. Lakin qərar nədirsə, ona hörmət edirəm. Bu mövsüm az oynamışam və daha çox meydanda olmaq istərdim. Amma qərarı məşqçilər heyəti verir”.
