Serbiyanın Belqrad şəhərində UEFA-nın üzv assosiasiya nümayəndələrinin iştirakı ilə “UEFA-nın Klubların Lisenziyalaşdırılması və Maliyyə Dayanıqlığı” mövzusunda illik konfrans keçirilib.
Futbolinfo.az AFFA-nın rəsmi saytına istinadən xəbər verir ki, konfransda milli assosiasiyanın Klubların Lisenziyalaşdırılması Departamentinin əməkdaşları da iştirak ediblər.
Tədbir zamanı aşağıdakı mövzular müzakirə olunub:
- Ötən lisenziyalaşdırma mövsümünün icmalı;
- Serbiyada futbolun inkişafı və lisenziyalaşdırma sisteminin tətbiqi;
- Klubların Lisenziyalaşdırılması və Maliyyə Dayanıqlığı qaydalarında yeniliklər;
- UEFA-nın klub yarışlarında növbəti mövsümdən etibarən baş verəcək dəyişikliklər;
- Klubların Lisenziyalaşdırılmasında hüquqi məsələlər;
- Qadın futbolu və klubların lisenziyalaşdırılması və s.