“Mercedes” komandasının pilotu Corc Rassel Əbu-Dabi qran-prisində komanda yoldaşı Lyuis Həmiltonun sonuncu yarışı üçün xüsusi hazırlatdığı dəbilqə ilə çıxış edəcək. Dəbilqə parlaq mavi rəngdədir, arxa tərəfində Corc və Lyuisin siluetləri əks olunub.
39 yaşlı Lyuis Həmilton yeddiqat dünya çempionudur. O, 2013-cü ildən Almaniya komandasında çıxış edir. Formula 1-in builki cədvəlində britaniyalı pilot yeddinci yerdədir. Onun aktivində 211 xal var. Gələn mövsümdən etibarən Lyuis Həmilton “Ferrari” komandasında mübarizə aparacaq.