UEFA Avropa Liqasının Liqa mərhələsi çərçivəsində keçiriləcək “Olimpiakos” (Yunanıstan) – “Qarabağ” FK matçını “Georgios Karaiskakis” stadionunda izləmək və Azərbaycan klubunu dəstəkləmək istəyən azarkeşlər üçün ayrılmış vauçerlər bu gündən etibarən iTicket.az-da onlayn şəkildə satışa çıxarılacaq.
Futbolinfo.az xəbər verir ki, bu barədə Ağdam təmsilçisinin mətbuat xidməti məlumat yayıb.
Azarkeşlər əldə etdikləri vauçerləri oyun günü saat 19:00-dan 21:00-a kimi “Georgios Karaiskakis” stadionunun 27-ci sektorunun qarşısına yaxınlaşaraq biletə dəyişməlidir. Biletlərin qiyməti 50 manatdır.
Vauçerlər yalnız iTicket.az-da satışda olacaq. Stadionda vauçerlərin və biletlərin satışı olmayacaq.
Qeyd edək ki, “Olimpiakos” – “Qarabağ” oyunu yanvarın 30-u Bakı vaxtı ilə saat 00:00-da start götürəcək.