İspaniyanın “Vilyarreal” klubu heyətini macarıstanlı qapıçı Peter Qulaçi ilə gücləndirib.
Futbolinfo.az xəbər verir ki, bu barədə La Liqa təmsilçisinin mətbuat xidməti məlumat yayıb.
36 yaşlı qolkiperlə 2028-ci ilin yayına qədər nəzərdə tutulan iki illik müqavilə imzalanıb.
Qulaçi 2015-ci ilin yayından Almaniyanın “Leypsiq” klubunda çıxış edirdi. O, Bundesliqa təmsilçisinin heyətində keçirdiyi 362 oyunda 440 qol buraxıb, 117 matçda isə qapısını toxunulmaz saxlayıb.
Qulaçi “Leypsiq” tarixində ən çox oyun keçirən üç futbolçudan biridir.