Milli komanda
Adamın məğlubiyyət şərhi: "Ölkəmizi yaxşı təmsil edirik"
19 yaşadək futbolçulardan ibarət komandalar arasında Avropa…
19 yaşadək futbolçulardan ibarət komandalar arasında Avropa çempionatının elit-raund mərhələsində keçirlmiş İngiltərə – Azərbaycan oyunundan sonra yığmamızın baş məşqçisi Nikolay Adam açıqlama verib. Futbolinfo.az xəbər verir ki, AFFA-nın təsmi saytına danışan almaniyalı çalışdırıcı 0:1 hesablı məğlubiyyəti belə şərh qılıb.
O, komandası son iki oyunda uduzsa da, ölkəmizi yaxşı təmsil etdiyini deyib: “İki real qol şansımız oldu, ancaq dəyərləndirə bilmədik. Rəqib isə yaratdığı imkanı qola çevirməyi bacardı. Bu da onların yüksək keyfiyyətə malik oyunçular olmasından irəli gəlir. Fikrimcə, ölkəmizi burada yaxşı təmsil edirik. Kollektiv olaraq düzgün seçim edib, yaxşı futbolçuları yığmaya dəvət etmişik. Uşaqlar həm öyrənməyi bacarırlar, həm də bunu istəyirlər. Bu uşaqlarla işləmək mənə rahatdı. Çünki onlar bizi dinləyib, tapşırıqlarımızı meydanda həyata keçirirlər. Məqsədimiz odu ki, qarşıdakı iki gündə bərpa prosesi keçib, uşaqların hansı vəziyyətdə olduğunu müəyyənləşdirək. Zədəli futbolçularımız var, eyni zamanda iki sarı vərəqəsi olan İlyas Səfərzadə növbəti oyunda cəzalıdı. Əlbəttə, qrupu 3 xalla tamamlamaq istəyirik. Bunu daha çox uşaqlar istəyir. Onların bu istəkdə olmaları məni şad edir”.
Qeyd edək ki, millimiz Fransada təşkil olunan elit-raund mərhələsin ilk oyununda ev sahiblərinə 0:2 hesabı ilə uduzmuşdu.