Milli komanda
Qurbanov: "Sübut etdik ki, qalib gəlməyi bacarırıq"
Ötən gün Avropa çempionatının seçmə mərh?…
Ötən gün Avropa çempionatının seçmə mərhələsinin H qrupunda 5-ci tur oyunlarına start verilib. Futbolinfo.az xəbər verir ki, Azərbaycan millisi evdə Maltanı 2:0 hesabı ilə məğlub edib.
Tofiq Bəhramov adına Respublika Stadionundakı qarşılaşmadan sonra millimizin heyətində debüt edən Ruslan Qurbanov fikirlərini açıqlayıb. Xorvatiyanın "Hayduk" klubunda çıxış edən futbolçu qələbəni belə şərh edib:
"Yaxşı oyun oldu. Çox şadam ki, millidə debüt etdim. İlk oyunda qalib gəlmək əladı. Bu oyunda qalib gəlməklə Azərbaycanı sevindirmək istəyirdik, bunu da bacardıq. Növbəti oyunlarda stadionlarda daha çox azarkeş olacaq. Düzdü, azarkeşlər bizdən incimişdilər. Amma bu gün sübut etdik ki, qalib gəlməyi bacarırıq. Gələcəkdə daha yaxşı nəticələr əldə edəcəyik".
Qurbanov "Hayduk"dakı çıxışına da toxunub: "Getdikcə komandaya uyğunlaşıram. Son turda matçın bitməsinə 15 dəqiqə qalmış meydana daxil oldum. Baş məşqçi çıxışımdan razı qaldığını bildirdi. Vaxtımı gözləyirəm, şans əldə etsəm, özümü sübut etməyə çalışacam".
Qeyd edək ki, Ruslan Qurbanov 22-ci dəqiqədə Namiq Ələsgərovun zədələnərək, meydanı tərk etməsindən sonra oyuna daxil olmuşdu.