Ölkə futbolu
Kim yalan danışır?
Əli Gökdəmirin “Simurq”a Ceyhun Sultanovun məsləh…
Əli Gökdəmirin “Simurq”a Ceyhun Sultanovun məsləhəti ilə gəldiyini açıqlaması ciddi müzakirələrə səbəb oldu. “Sumqayıt”ın menecerinin başqa bir kluba futbolçu transferində vasitəçi olması sıradan olay deyil, ona görə də söz-söhbət başadüşüləndi.
Futbolçunun doğru danışmadığı iddiası ilə bizə telefon açan Ceyhun bəyin narahatlığı gözlənilirdi. Sultanov redaksiyamıza zəng edərək, Əlinin keçidində heç bir rolunun olmadığını bildirməklə özünü kənarda saxlamaq istədi: “Mən heç Gökdəmirin üzünü görməmişəm. Sadəcə, Kamran İsmayılov məndən onun nömrəsini istəyib, kömək etmişəm. İşim sadəcə, bundan ibarət olub. Qalan məsələlərdən xəbərim yoxdu. Futbolçunun niyə belə dediyini də bilmirəm. Gökdəmirə zəng vurdum, o da saytda yazıldığı kimi danışmadığını söylədi. O dedi ki, “mənə Ceyhun bəy kömək edib” demişəm. Ona qalsa, mən Kamran Ağayevin də Türkiyəyə transferinə yardımçı olmuşam. Bunu təmənnasız etmişəm, hansısa marağım olmayıb”.
Məsələni dəqiqləşdirmək üçün Zaqatala klubunun meneceri Kamran İsmayılovla da əlaqə saxladıq: “Mən “Simurq”a gələndə Əli Gökdəmirlə danışıqlar başlayırdı. Sırf danışıq məsələsi mənim vaxtımda olub. Mən bildiyim qədər vəziyyət belə idi ki, “Sumqayıt”ın meneceri Ceyhun Sultanov vasitəsilə Əli Gökdəmir və onun menecerlərinin telefon nömrələri götürülüb. Gökdəmirin “Simurq”a keçmək məsələsini biz almaniyalı menecerlə danışmışıq. Yəni ki, Sultanov bu məsələdə agent kimi iştirak etməyib. Mənim onunla Əli Gökdəmirlə bağlı söhbətim olmayıb. Sadəcə, telefon nömrəsini Ceyhundan götürmüşük. Mən bilmirəm, Əli müsahibəsində nə deyib. Real vəziyyət necə olubsa, sizə dedim”.
Ceyhun Sultanovun Əli Gökdəmiri “Simurq”a təklif etməsi ilə bağlı verilən suala isə İsmayılov bu cür cavab verdi: “Vallah, onu yalan danışaram. Çünki mən “Simurq”a gələndə onun transfer məsələsi gündəmdə idi. Danışıq prosesi isə mənim vaxtımda olub”.
Hər iki tərəfə tribuna verməklə vəziyyətin aydınlaşmasına çalışdıq. Amma cavablardan da görünür ki, futbolçunun səhvən ağzından çıxardığı həqiqət kimlərisə çətin vəziyyətdə qoyub. Sultanov hər nə qədər futbolçunun elə demədiyini isbatlamağa çalışsa da, əlimizdə Gökdəmirin səs yazısı var. Onun sırf bu məsələ ilə bağlı dedikləri isə belədi:
– Bəs, belə durumda sizin “Simurq”a transfer olmanız necə reallaşdı?
– “Simurq”la, menecer Ceyhun Sultanovla münasibətim yaxşı idi. Mənim buraya gəlmək istəyib-istəmədiyimi soruşdu. Mən də “niyə istəmirəm ki” deyə cavab verdim. Pula bir o qədər də önəm vermirdim. Düzdü, futbolçu olduğumuz üçün pul qazanmalıyıq. Almaniyada yaşayan ailəmə pul göndərməliyəm. Futbol bizim “çörək ağacı”mızdı. Menecerliyimi Azərbaycanda Ceyhun Sultanov edir. O dedi ki, Azərbaycan futbolu inkişaf edir. Son illərdəki nəticələr göz önündədi. Almaniyada isə başqa birisi bu işlə məşğul olur.
– “Simurq”la, menecer Ceyhun Sultanovla münasibətim yaxşı idi. Mənim buraya gəlmək istəyib-istəmədiyimi soruşdu. Mən də “niyə istəmirəm ki” deyə cavab verdim. Pula bir o qədər də önəm vermirdim. Düzdü, futbolçu olduğumuz üçün pul qazanmalıyıq. Almaniyada yaşayan ailəmə pul göndərməliyəm. Futbol bizim “çörək ağacı”mızdı. Menecerliyimi Azərbaycanda Ceyhun Sultanov edir. O dedi ki, Azərbaycan futbolu inkişaf edir. Son illərdəki nəticələr göz önündədi. Almaniyada isə başqa birisi bu işlə məşğul olur.
– Ceyhun Sultanov sizi nə yaxşı “Sumqayıt”a yox, “Simurq”a təklif edib?
– Məndən hansı kluba getmək istədiyimi soruşdu. Mən də dedim ki, səssiz yerə üstünlük verirəm. Əsas məqsədim bütün fikrimi futbola yönəltmək idi. Zaqatalada da bu cür yaşamaq üçün hər şərait var. Ara-sıra da oynayıram. Bir neçə oyunda da nəticəyə təsir edən müsbət işlər görmüşəm. İnşallah, gələn mövsüm üçün tam formada olacam.
– Məndən hansı kluba getmək istədiyimi soruşdu. Mən də dedim ki, səssiz yerə üstünlük verirəm. Əsas məqsədim bütün fikrimi futbola yönəltmək idi. Zaqatalada da bu cür yaşamaq üçün hər şərait var. Ara-sıra da oynayıram. Bir neçə oyunda da nəticəyə təsir edən müsbət işlər görmüşəm. İnşallah, gələn mövsüm üçün tam formada olacam.
İndi oxucular özü mühakimə etsin: kim yalan danışır? Əli “Menecerliyimi Azərbaycanda Ceyhun Sultanov edir” deyir, Sultanov isə yalnız futbolçunun nömrəsini “Simurq” tərəfi üçün tapdığını bildirir. Kimsə səmimi deyil, kimsə qorxur, kimsə fikir yayındırmağa çalışır.
Deyəsən, cidanı çuvalda gizlətmək mümkün deyil axı…
AĞA
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…