Ölkə futbolu
"Bu, Azərbaycanda uşaq futbolunun inkişafına yönəldilmiş ən iri layihələrdən biridi"
Bildiyiniz kimi, "Bakcell" şirkəti və AFFA-nın birgə t?…
Bildiyiniz kimi, "Bakcell" şirkəti və AFFA-nın birgə təşkilatçılığı ilə mayın 7-dən 24-dək Qax və Xaçmaz rayonlarında, habelə Gəncə, Sumqayıt və Bakı şəhərlərində “Mançester Yunayted” üçüncü Yay Futbol Məktəbinə seçimlər keçirilib. Futbolinfo.az xəbər verir ki, seleksiya prosesində fərqlənmiş 8-12 yaş arası 2 qapıçı olmaqla 34 uşaq iyunun 1-dən 5-dək "Bayıl Arena"da “Mançester Yunayted” Yay Futbol Məktəbinin təlim-məşq toplanışında iştirak edəcək.
Ötən gün adıçəkilən arenada “Mançester Yunayted” Yay Futbol Məktəbi ilə bağlı "Bakcell" şirkətinin baş marketinq direktoru Maria Toychevanın da iştirakı ilə brifinq keçirilib. Tədbirdə açıqlama verən Toycheva bunları bildirib:
"Biz qürur hissi ilə onu vurğulamaq istəyirik ki, bu, Azərbaycanda uşaq futbolunun inkişafına yönəldilmiş ən iri layihələrdən biridi. Buna görə "Bakcell" şirkəti və AFFA-nın baş katibi Elxan Məmmədova təşəkkürümü bildirirəm. Ümumiyyətlə, bu işlərdə AFFA-nın dəstəyi çox böyükdü. Üçüncü dəfədi ki, bu seçimlər baş tutur. Bu ilki seçimlərdə təxminən 1000-ə yaxın uşaq iştirak edib. Bu da böyük rəqəmdi. Seçim prosesindən 34 nəfər uğurla keçib. Onlar da iyunun 5-nə kimi “Mançester Yunayted” Yay Futbol Məktəbinin təlim-məşq toplanışında iştirak edəcək. Bundan sonra toplanışı müvəffəqiyyətlə bitirən 5 uşaq “Mançester Yunayted”in təlimlərində iştirak etmək üçün Mançesterə yollanacaqlar". Çox yaxın zamanda Bakıya gələcək “Mançester Yunayted”in ulduz futbolçusunun adını açıqlayacağıq. O, yetərincə məşhur insan olacaq".