Ölkə futbolu
“Neftçi” milli oyunçusunu baxışa çağırdı – ÖZƏL
“Neftçi” daha bir transferi reallaşdırmağa yaxı…
“Neftçi” daha bir transferi reallaşdırmağa yaxındı. Futbolinfo.az xəbər verir ki, bakılılar Makedoniya millisinin üzvü Martin Boqatinovu baxışa çağırıblar.
Əslində, bu transferlə bağlı xəbərlər hələ mayın əvvəlində ortaya çıxmışdı. Amma o zaman Topaz Premyer Liqasında mövsüm bitmədiyindən, eləcə də heyətlə bağlı dəyişikliklərin miqyası dəqiqləşmədiyindən deyilənlər söz-söhbət olaraq qaldı. İndi isə paytaxt klubu Avropa Liqası öncəsi qapı xəttindən arxayın olmaq üçün real addım atır.
Boqatinov mayda "Neftçi"yə keçəcəyi barədə xəbərlərə münasibət bildirərkən keçidin real olduğunu, "ağ-qaralar"da xələfi olacağı serbiyalı qapıçı Saşa Stamenkoviçi şəxsən tanıdığını bildirmişdi: "Stamenkoviçi tanıyıram. Yaxşı qapıçıdı. "Neftçi" barədə də demək olar ki, hər şeyi bilirəm. Əsas məqamlardan biri odur ki, bu komanda Azərbaycanın ən yaxşılarından biridir. Belə bir klubda oynamaq böyük şərəfdir. "Neftçi"nin zəngin tarixi var. Danışıqlar uğurlu nəticələnsə, buna ancaq sevinə bilərəm".
Vaxtilə "Vardar" (Makedoniya), "Karpatı" (Ukrayna), "Styaua" (Rumıniya) kimi klublarda çıxış edən 29 yaşlı qapıçının son klubu Kipr "Ermis"i olub. Makedoniya yığmasında 9 oyun keçirən qolkiper bugündən etibarən “Neftçi”nin Avstriyadakı hazırlığına qoşulub. Baş məşqçi Samir Əliyevin etimadını qazanacağı halda o, əsas qapıçı Aqil Məmmədovun rəqibi olacaq.
Digər xəttlərdə əcnəbi transferinə daha çox ehtiyacı olan “Neftçi”nin birdən-birə diqqəti qapıya yönəltməsinin səbəbi var. Flaqmanın yay hazırlıq dövründəki ilk sınaq matçında MTK-ya 0:3 hesabıyla yenilməsi birbaşa qolkiperin günahı idi. Görünür Samir Əliyev Maksim Vaylonun Aqil Məmmədova layiqli əvəzedici olmadığını gördükdən sonra rəhbərlikdən qolkiper alınmasını istəyib.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”