Ölkə futbolu
"Qəbələ"nin 2-ci sınaqçı rəqibi də bəllidi
2015-2016 mövsümünə hazırlaşan "Qəbələ"…
2015-2016 mövsümünə hazırlaşan "Qəbələ" çalışmalarının 2-ci bölümünü doğma şəhərdə davam etdirir. Futbolinfo.az xəbər verir ki, vətəndəki ilk yoxlama matçını Bakı "İnter"inə qarşı keçirəcək "qırmızı-qaralar"ın ikinci sınaqçı rəqibi də bəlli olub.
Bu barədə əyalət təmsilçisinin baş məşqçisi Roman Qriqorçuk saytımıza açıqlamasında məlumat verib. Ukraynalı mütəxəssis bildirib ki, onlar ikinci oyunda da "İnter"lə güclərini sınayacaqlar. Bu görüş cari ayın 27-də baş tutacaq. Belə ki, qəbələlilər paytaxt təmsilçisini matçın keçiriləcəyi günə kimi şəhərdə saxlayacaq və onlara məşq etmək üçün də yer ayıracaqlar.
Qriqorçuk Gürcüstan komandası ilə də yoxlama görüşü keçirmək istədiklərini bildirib: "Gürcü komandası ilə də sınaq matçı keçirmək istəyirdik. Lakin Qəbələyə gəlib, burada bizlə yoldaşlıq görüşü keçirmək istəyən gürcü komandası tapa bilmədik. Sözügedən ölkəyə səfər etmək də yorğunluq baxımından bizə sərf etmir. Amma nəzərə alaq ki, "İnter"də də gürcü futbolçular var və bu komanda ötən mövsüm uğurlu çıxışla yadda qalıb".
Qeyd edək ki, bu il ölkəmizi Avropa Liqasında təmsil edəcək "Qəbələ"nin 1-ci təsnifat mərhələsindəki rəqibi Gürcüstanın "Dinamo" (Tiflis) klubudu.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 10:00
Samir Abasov Xaviylə görüşə gedib