Ölkə futbolu
Sergey Zenyov: "Tarix yazacağıq"
"Qəbələ"nin və Estoniya yığmasının hücumç…
"Qəbələ"nin və Estoniya yığmasının hücumçusu Sergey Zenyov komandasının "İnter"ə qarşı keçirdikləri yoxlama görüşündə sərgilədiyi texnika ilə diqqətləri cəlb etdi. Futbolinfo.az saytının Qəbələyə ezam olunmuş müxbirinə verdiyi açıqlamada forvard müsəlman köklərinin olduğunu bildirdi.
Bölgə təmsilçisinə yenicə transfer olunan futbolçu "İnter üzərində qələbə qazanmaqlarının əhəmiyyətini vurğulamağı da unutmadı:
"Çox sevinirəm ki, "Qəbələ"nin sıralarında keçirdiyim ilk oyunu qələbə ilə başa vurduq. Psixoloji baxımdan bu, olduqca vacib idi".
Estoniya yığmasının futbolçusunun daha çox praqmatik futbolla seçildiyi məlumdu. Lakin Zenyovun topla davranışı daha çox Qafqaz futboluna xas xüsusiyyətləri göstərirdi. Əvvəlcə təəccübünü gizlətməyən "texnar" daha sonra bir sıra incə məqamlara aydınlıq gətirdi: "Açığı, "Qafqaz futbolu" termini ilə tanış deyiləm. Amma onu deyim ki, təmiz eston deyiləm. Damarlarımda bir çox millətlərin qanı axır. O cümlədən, tatar qanı da var. Bəlkə də, elə buna görədi ki, topla davranmağı sevirəm. Hər halda, meydanda əlimdən gələnin ən yaxşısını ortaya qoymağa çalışıram".
O, komanda yoldaşları ilə anlaşmada problem yaşamadığını da dilə gətirdi: "Heç bir problem yaşamadım. Adaptasiya sarıdan hər şey qaydasındadı. Düşünürəm ki, komanda yoldaşlarım da mənimlə anlaşmada əziyyət çəkmirlər".
Estoniyalı futbolçu "Qəbələ"nin avrokubok tarixində indiyədək nəinki qələbə, və ya xal qazanmaması, hətta qol vurmamasına dair suala nikbin cavab verdi: "Dedikləriniz dünəndə qalıb. Bu gün biz burdayıq. Yeni və uğurlu tarix yazacağıq".
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”