Ölkə futbolu
Rauf Əliyev qol vurdu, “İnter” uduzmadı
“Qəbələ” 2015-2016 mövsümünə hazırlıq…
“Qəbələ” 2015-2016 mövsümünə hazırlıq çərçivəsində növbəti yoxlama oyununu keçirib. Futbolinfo.az xəbər verir ki, “qırmızı-qaralar” Bakının “İnter” klubu ilə üz-üzə gəlib.
Bu matç komandaların son 4 gündə ikinci qarşılaşması olub. İyunun 24-də baş tutan ilk sınaqda 1:0 hesabı ilə qalib gələn Roman Qriqorçukun baş məşqçisi olduğu komanda bu dəfə heç-heçəylə kifayətlənib.
Qəbələ şəhər stadionundakı matçda hesabı qonaqlar açıb. 8-ci dəqiqədə Rauf Əliyev fərqlənib. “Qəbələ” bərabərlik qolunu ikinci hissədə vurub. Matçın 70-ci dəqiqəsində Cavid Hüseynov qonaqların qapısına yol tapıb – 1:1.
Qeyd edək ki, bu əyalət təmsilçisinin mövsümlərarası fasilədə ilk heç-heçəsi olub. Bunadək 3 qələbə qazanan “qırmızı-qaralar” Türkiyədə Ərzurumun U-21 komandasını 2:1, “Aşkalespor”u 10:0, Qəbələdə “İnter”i 1:0 hesabı ilə məğlub etmişdi.
(Klub saytı)