Premyer-liqa
Siqnaldan və cəzadan sonrakı xəbərdarlıqlar
“Kəpəz” bu gün bəyanat yayıb. Klub rəhbərliyi &…
“Kəpəz” bu gün bəyanat yayıb. Klub rəhbərliyi “Xəmsə” fan-klubunun “Neftçi” ilə oyunda pirotexnik maddələrəndən istifadə etdiyinə görə 1000 manat cərimə olunmasına bu cür reaksiya göstərib. Ancaq klubun bu bəyanatının nə dərəcədə effekt verəcəyi sual doğurur. Ümumiyyətlə, fan-klubla bağlı “Kəpəz”in bəyanat yayması nə dərəcədə düzgündü?
Bu suallara cavab tapmaq üçün klubun Müşahidə Şurasının üzvü Mikayıl Nərimanoğluyla əlaqə saxladıq. Klub rəsmisi bəyanata zərurət duyulduğunu bildirdi: “Hələ “Neftçi”ylə oyundan öncə bizə siqnal daxil olmuşdu ki, “Xəmsə” qadağan olunan maddələrdən istifadə edəcək. Biz də öz növbəmizdə fan-klubla görüş keçirib, onlardan xahiş etdik ki, buna yol verməsinlər, yalnız icazə verilən qaydada sevimli komandalarına dəstək olsunlar. Onlar da etiraf etdilər ki, belə bir planları var idi, lakin söz verdilər ki, bu cür hal baş verməyəcək. Təəssüf ki, sonda pirotexnik maddədən istifadə etdilər və klubumuz 1000 manat cərimə olundu. Yeni yaradılmış klub üçün bu cür cərimələr arzuolunmazdı. “Xəmsə”nin Bakıya gəlməsi üçün avtobuslar ayırmışdıq, fanatlar üçün oyuna bilet aldıq, klubumuzun avtobusunun şüşəsi qırılarkən, müdaxilə etməmələri üçün bütün lazımi tədbirləri gördük, onların təhlükəsizliyini təmin etdik. Onların komandanı dəstəkləmələrindən çox razı qaldıq. Sadəcə, ilk dəfə şifahi xahişimizi nəzərə almadıqlarına görə, bu cür rəsmi müraciət etdik. Ümidvaram ki, bu hal bir daha təkrarlanmayacaq”.