Premyer-liqa
İlk "beşlik"dən yalnız "Zirə" və ya "Qəbələ"nin "kişi sözü"
Topaz Premyer Liqasının 14-cü turu da arxada qaldı. Tur medall…
Topaz Premyer Liqasının 14-cü turu da arxada qaldı. Tur medallara əsas iddiaçıların xal itkiləri ilə yadda qaldı. Maraqlıdı ki, ilk 5-likdə qərarlaşan komandalardan yalnız “Zirə” qələbə qazana bildi. “Qəbələ” isə 2-ci dövrənin “ən sabit komandası” statusunu qorumağı bacardı…
Gəncədə “Kəpəz”lə “İnter”in duelində qonaqlar qələbəyə daha yaxın olsalar da, yekunda tablodakı “0”lar dəyişməz qaldı. Çempionatımızın ən çox pul axtaran ismi Nizami Hacıyevin qaçırdığı penalti paytaxt təmsilçisinin 3 xal əldə etmək şansını ürəyində qoyub.
AZAL çempionatda 3-cü qələbəsini qazandı. Tərlan Əhmədovun yetirmələrinin budəfəki qurbanı “Sumqayıt” oldu. Həmin “Sumqayıt” ki, Samir Abasovun baş məşqçi təyinatından sonra iddialı klublara “qan uddururdu”. Ancaq görünür bu, “bir atımlıq barıt” imiş. Abasov isə öz növbəsində “artıra-artıra gedir”. “Zirə”ylə qarşılaşmada Tatonu sinəsindən itələyən gənc mütəxəssis, bu dəfə də meydan sahiblərinin futbolçusu Ruslan Nəsirliylə ağızlaşdı. Görünür Abasov hələ ki, futbolçu və məşqçi arasında fərqin nədən ibarət olduğunu öyrənməyib.
“Xəzər Lənkəran”la qarşılaşmaq sevinci bu dəfə “Zirə”yə nəsib oldu. Doğrudu, meydan sahibləri cənubluların qapısına yol tapa bilmədi. Amma pul üzünə həsrət qalan Lənkəran təmsilçisi məsələni “özü həll edə bildi”. Zaman Mirzəzadənin baxımlı alınan avtoqolu “Zirə”nin qələbəsini təmin etdi. Bu matç 2 qırmızı vərəqəylə də yadda qaldı: hər tərəfdən bir oyunçu Orxan Məmmədovun “radar”ına düşdü.
“Bakcell Arena”da cari mövsüm qələbə üzü görməyən “Neftçi” bu sindromu ölkə çempionu ilə görüşdə qırmağı bacardı. Rəhman Hacıyevin cərimə zərbəsindən vurduğu gözəl qol “Qarabağ”ın liderlik kürsüsünü çox laxlatmasa da, bu, Qurban Qurbanovun komandası üçün ilk həyəcan siqnalı kimi qələmə verilə bilər. “Ağ-qaralar” isə Əsgər Abdullayevin rəhbərliyi altında keçirdikləri 2-ci görüşdə də 3 xal qazandılar. Davamı gələcəkmi? Növbəti tur Abdullayevli “Neftçi” çempionatın sürpriz komandası sayılan “Zirə”ni qəbul edəcək.
“Qəbələ” kişi kimi sözünün üstündə dayanıb. İkinci dövrə başlayandan bəri qalib gəlməyən Roman Qriqorçukun yetirmələri hətta “Rəvan”la görüşdə də “seriyaları”nı davam etdirməyi bacardılar. Artıq 6 turdu ki, qələbə üzünə həsrət qalan komanda, 1-ci dövrədən sonra liderlik kürsüsünü “Qarabağ”la bölüşürdüsə, 14 turdan sonra 4-cü pilləyə enib. “Bu cür hallar olur”, deməklə iş bitmir. Artıq əməli iş görmək lazımdı. Çünki komandada prbolemlərin mövcudluğu aşkar sezilir və məlhəm tapılmasa, mövsümün sonunda “Qəbələ” ortabab komandaya çevriləcək.
CEYHUN ƏLİYEV
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…