Ölkə futbolu
“Neftçi”dən ayrıldı, "evinə qayıtdı"
Yay fasiləsində “Neftçi”dən ayrılan daha bir fu…
Yay fasiləsində “Neftçi”dən ayrılan daha bir futbolçunun yeni komandasının adına rəsmən aydınlıq gəlib. Futbolinfo.az xəbər erir ki, Anyete birillik “Neftçi” macərasından sonra yenidən Bolqarıstana qayıdıb.
Bir müddətdi sabiq komandası “Levski”nin düşərgəsində olan ispaniyalı hücumçu ilə bağlı yekun qərar verilib. Sofiyalılar 31 yaşlı oyunçu ilə müqavilə bağlamaq qərarına gəliblər.
Köhnə-yeni komandası ilə 1 illik sazişə qol çəkən Anyete Bolqarıstan mətbuatına qısa açıqlamasında bu keçiddən məmnunluğunu dilə gətirib: “Doğma evimə qayıtdığım üçün çox xoşbəxtəm. Mənə inanan hər kəsə minnətdarlığımı bildirirəm. Mənə etimad edənləri məyus etməmək üçün əlimdən gələni edəcəm”.
Qeyd edək ki, keçən mövsüm “Neftçi”nin heyətində 26 oyunda 3 qol vuran Anyete paytaxt klubuna ötən yay məhz “Levski”dən keçmişdi. O, 2014/15 mövsümündə Sofiya komandasının forması altında keçirdiyi 28 görüşdə 14 qola imza atmışdı.