Ölkə futbolu
“Yeriməyi öyrənməliyik ki, sonra qaçmağı bacaraq”
“Əvvəlcə hamınızın Ramazan bayramını təbrik edirəm. Qo…
“Əvvəlcə hamınızın Ramazan bayramını təbrik edirəm. Qonaqpərvərliyə görə təşəkkür edirəm. Təşkilati işlər yüksək səviyyədə həll edilmişdi. Buna görə "Neftçi" klubuna təşəkkür edirəm. İlk oyun bizim üçün çox çətin keçdi. Daha yaxşısını edə bilərdik. Ancaq məğlub olduq”. Futbolinfo.az saytının məlumatına görə, bu sözləri “Baltsan”ın baş məşqçisi Olivyer Spiteri deyib.
Avropa Liqasının 1-ci təsnifat mərhələsinin cavab oyununda sabah “Neftçi” ilə qarşılaşcaq Malta təmsilçisinin çalışdırıcısı oyunöncəsi mətbuat konfransında jurnalistlərin suallarını cavablandırıb.
– Komandanızın avrokuboklarda heç bir qolu yoxdu. Sizcə, komandanız bu tilsimi qıra biləcək?
– "Baltsan" kiçik komandadı. Yeriməyi öyrənməliyik ki, sonra qaçmağı bacaraq. Əlimizdən gələni edəcəyik.
– "Neftçi" sizdə hansı təəssürat oyatdı?
– "Neftçi"nin hücum xəttini xüsusi vurğulayardım. Oyunda gözlədiyim oldu. Keçən mövsümkündən fərqli olaraq bir neçə dəyişiklik olub. Ancaq komandanın əsasını saxlayıblar. "Neftçi" gözlədiyim oyunu sərgilədi.
– Şəhəri gəzdiz. Bakı xoşunuza gəldi?
– Bakı gözəl şəhərdi. Burda Avropa oyunları, Avroviziya musiqi müsabiqəsi keçirilib. Malta siyasi baxımdan da Azərbaycanla yaxındı. Ümid edirəm ki, Bakı gələcəkdə daha da gözəlləşəcək.
– Cavab oyununda xal qazansanız, ancaq mərhələ adlamasanız bu, sizi razı salacaq?
– Biz kiçik klubuq. Bayaq da dedim. Biz bu oyunda daha yaxşı oyun nümayiş etdirməyə çalışacağıq. Bizim üçün istənilən yaxşı nəticə uğurlu sayıla bilər. Çalışacağıq ki, yaxşı nəticə əldə edək. Ancaq xal qazansaq, bu da bizim üçün uğur sayılacaq.
– İlk oyundakı 0:2 hesablı məğlubiyyətdən sonra komandanı motivasiya etmək çətin olmayacaq ki?
– Hesabın bizim xeyrimizə olmamasına baxmayaraq, futbolçuları motivasiya edə bilirəm. Cavab oyununda əlimizdən gələni edəcəyik. (Apasport)
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Premyer-liqa2024-04-20 20:55
“Zirə” “Neftçi”yə qalib gəldi
- Ölkə futbolu2024-04-21 08:00
Andersonun dediyi kimi…