I Liqa
Qəhrəman Əliyev: “Şəmkir”in əvvəlki əzəmətini qaytarmaq istəyirik”
“Bakı”nın I Divizionda oynamayacağı dəqiqləşdikdən…
“Bakı”nın I Divizionda oynamayacağı dəqiqləşdikdən sonra Qəhrəman Əliyev klubu tərk etmək məcburiyyətində qaldı. “Bakı”nın əvəzedici heyətini çempion etmiş, eləcə də klubun digər komandalarında çalışmış Əliyev bundan sonra I Divizionda mübarizə aparan “Şəmkir”ə rəhbərlik edəcək.
“Şəmkir” isə təcrübəli məşqçi üçün yad komanda deyil. Vaxtilə “Viləş”lə nəticə qazandıqdan sonra Əliyev məhz “Şəmkir”in sükanı arxasında olmuşdu. Odur ki, Şəmkir futbolu Qəhrəman Əliyev üçün tanışdır.
Dünəndən yeni işinin icrasına rəsmən başlayan Əliyev fikirlərini futbolinfo.az saytı ilə bölüşdü:
“Artıq dünəndən etibarən komandanı qəbul etmişəm. Yeni futbolçular qoşulub, amma komandanın əsasını yerli oyunçular təşkil edir. Burada vəziyyət yaxşıdır. Gənc, futbolu sevən prezidentimiz var. Bizim məqsədimiz “Şəmkir”in əvvəlki əzəmətini qaytarmaqdır. Düşünürəm ki, bunun öhdəsindən gələcəyik. Vaxtımız çox az olsa da, bəzi işləri həyata keçirmək üçün kifayət edəcək. Heyətə yeni oyunçular cəlb edəcəyik ki, bu yöndə danışıqlar gedir. Çoxdan tanıdığım Rövşən Əmiraslanovun ayağında problem var. Onu yenidən müayinədən keçirəcəyik. Əgər həkimlər icazə versələr, Rövşən futbolçu kimi davam edəcək. Əks təqdirdə, köməkçim olacaq. Məşqçi heyətimizə də güvənim sonsuzdur. Birlikdə nəticələr əldə etməyə çalışacağıq. Mənə göstərilən etimadı doğrultmaq üçün əlimdən gələni edəcəyəm”.
Sonda qeyd edək ki, A kateqoriyalı Qəhrəman Əliyev Azərbaycan güclülər dəstəsində ən çox oyun keçirmiş məşqçidir. Onun aktivində 350-dən çox oyun var.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?