Ölkə futbolu
40 faizlik “Qarabağ”: “Neftçi” üç avtoqoldan ikisini lider üçün vurub
Misli Premyer Liqasında 32-ci tur mövsümdəki 15-ci avtoqolun vurulması ilə yadda qaldı. Maraqlıdı ki, bu turda iki oyunda 2:4 hesabı qeydə alındı və hər ikisində məğlublar bir topu özləri öz qapılarından keçirdilər.
Futbolinfo.az xəbər verir ki, “Səbail”in müdafiəçisi Petro Stasyuk “Qəbələ” ilə səfər oyununda, “Neftçi”nin hücumçusu Mateus Saldanya isə “Qarabağ”la ev görüşündə qapıları səhv saldı. “Səbail” cari çempionatda iki dəfə belə uğursuzluq yaşayıb və hər ikisində rəqib məhz “Qəbələ” olub. “Neftçi” isə 3-cü dəfə avtoqola üzüldü və bu, son 9 turda reallaşıb.
“Qarabağ”ın statistikası daha maraqlıdır. 15 avtoqoldan 6-na ağdamlılar sevinib və bu, öz qapısına vurulan qolların 40 faizi deməkdir. 5 fərqli komanda liderlə matçda belə səhv edib və onlardan yalnız “Neftçi” ardıcıl iki görüşdə rəqibi sevindirib. 24-cü turda Höccət Haqverdi, bu gün isə Sadanya öz qapısını nişan aldı.
2022/2023 mövsümündə vurulan avtoqollar:
III tur: Vüsal Məsimov (“Turan Tovuz”). “Qarabağ” 0:2
X tur: Adil Nağıyev (“Şamaxı”). “Qəbələ” 1:1
XII tur: Cəlal Hüseynov (“Şamaxı”). “Qarabağ” 0:4
XVI tur: Kamal Bayramov (“Turan Tovuz”). “Zirə” 1:2
XVIII tur: Fuad Bayramov (“Şamaxı”). “Neftçi” 0:3
XXIII tur: İsnik Alimi (“Qəbələ”). “Sumqayıt” 2:1
XXIII tur: Qismət Alıyev (“Zirə”). “Qarabağ” 0:1
XXIV tur: Qustavo de Fransa (“Səbail”). “Qəbələ” 2:2
XXIV tur: Yusif Nəbiyev (“Kəpəz”). “Sumqayıt” 2:1
XXIV tur: Höccət Haqverdi (“Neftçi”). “Qarabağ” 1:1
XXVII tur: Səbuhi Abdullazadə (“Sumqayıt”). “Qarabağ” 0:6
XXVIII tur: Kenni Sayef (“Neftçi”). “Zirə” 1:1
XXVIII tur: İlkin Qırtımov (“Qəbələ”). “Sabah” 2:3
XXXII tur: Petro Stasyuk (“Səbail”). “Qəbələ” 2:4
XXXII tur: Mateus Saldanya (“Neftçi”). “Qarabağ” 2:4
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-19 08:52
Yüksək əmsal “Qarabağ”a əlavə üstünlük verir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu