Premyer-liqa
Nadirovun Premyer Liqa həsrəti sona çatdı
“Qarabağ”ın futbolçusu Vüqar Nadirovun Premy…
“Qarabağ”ın futbolçusu Vüqar Nadirovun Premyer Liqa həsrəti sona çatıb. Futbolinfo.az "Apasport"a istinadla xəbər verir ki, uzun müddətdi əsas deyil, əvəzedici komandada çıxış edən 30 yaşlı hücumçu 20-ci turun “İnter”lə matçının start heyətində yer alıb.
O, cari mövsümdə 2-ci dəfə Premyer Liqa matçına çıxıb. Nadirovun mövsümdə ilk, bugünkü matçadək son sınağı 2016-cı il avqustun 21-də baş tutub. Vüqar 191 gün öncə “Neftçi” üzərində 3:0 hesablı qələbənin son 20 dəqiqəsində meydanda olub.
Nadirov mövsümdə daha 2 dəfə əsas komandada oynayıb. Bunlardan biri avrokubok, biri kuboka təsadüf edib. O, oktyabrın 20-də evdə PAOK-la Avropa Liqası matçının (2:0) 90+3-cü dəqiqəsində şans qazanıb.
Dekabrın 21-də isə Sumqayıtda eyniadlı komanda ilə kubok görüşündə 5:2 hesablı qələbədə iştirak edib. Həmin matçda ikinci yarıda meydana daxil olan futbolçu 1 qol da vurub.