Ölkə futbolu
2 qələbədən sonra: Belarus və Bolqarıstan əlçatmaz deyil
Avrokuboklarda yeni mövsümə 2 qələbə ilə start verən k…
Avrokuboklarda yeni mövsümə 2 qələbə ilə start verən klublarımız ölkəmizin UEFA-nın klub reytinqində əmsalnı zənginləşdirib. Futbolinfo.az xəbər verir ki, 2017/18 mövsümünə 14.750 xalla başlayan Azərbaycanın reytinqi daha da artıb.
“Zirə”nin evdə Lüksemburq “Differdanj”ı, “İnter”in səfərdə Serbiya “Mladost”u üzərində qələbəsi Azərbaycanın xal ehtiyatını 0.500 vahid zənginləşdirib. Hazırda ölkəmiz 15.250 xalla 55 ölkə arasında 23-cüdü.
Müvafiq olaraq, siyahıda 21 və 22-ci pillələrdə yer alan Belarus və Bolqarıstan elə də əlçatmaz deyil. Hazırda belarusluların 15.700, bolqarların isə 15.625 xalı var. Elə bizim kimi günü 2 qələbə ilə başa vuran Kiprin də nəfəsini hiss etməkdəyik. 24-cü pillədə olan adalıların 15.050 xalı var. Onları izləyən İsveç və Şotlandiyanın isə xalları müvafiq olaraq, 14.975 və 14.875-ə bərabərdi.
Qeyd edək ki, təsnifat mərhələsində qələbəyə 0.250, heç-heçəyə isə 0.125 xal verilir.
Ölkəmizin reytinq cədvəlində bu qədər irəliləməsində “Qarabağ” və “Qəbələ”nin müstəsna rolu var. Məhz onların uğuru sayəsində klublarımız püşkdə daha münasib rəqiblərlə düşür. “Qəbələ”nin mübarizəyə ikinci mərhələdən başlaması da uğurlu nəticələrin mükafatıdı. Serbiya, Polşa, Bolqarıstan, Danimarka, başda “Reyncers” olmaqla Şotlandiyanın məşhur klubları yarışa ilk təsnifat mərhələsindən, bizimkilər daha gec başlayırsa, bunun da səbəbkarı klublarımız özüdü.
“Zirə”ylə “İnter” cavab matçlarında daha arxayınlaşmamalı, qələbələri sıralamalıdı ki, avrokuboklarda perspektivlərimiz daha da yaxşılaşsın, daha irəli getmək üçün zəmin yaransın.
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq