Premyer-liqa
“Zirə”dən intizamsızlıq antirekordu
Topaz Premyer Liqasının 10-cu turu intizamsızlıq antirekordu ilə …
Topaz Premyer Liqasının 10-cu turu intizamsızlıq antirekordu ilə əlamətdar olub.
Futbolinfo.az xəbər verir ki, “Zirə” bir oyunda aldığı vərəqə sayında 2017/18 mövsümünün antirekordunu müəyyənləşdirib.
“Qəbələ” ilə ev oyununda 2:1 hesabı ilə qalib gələn paytaxt təmsilçisinin 7 üzvü sarı vərəqə alıb. Cari mövsümdə belə intizamsızlıq müşahidə olunmamışdı.
Bunadək antirekord 6-cı turda 5 xəbərdarlıq alan “Kəpəz”ə məxsus idi. X turda “Sumqayıt”da qərblilərə çatıb. Lakin onlar “Zirə”dən “geri” qalır.
“Zirə”nin “Qəbələ” ilə matçı ümumi vərəqə sayında da antirekordla diqqət çəkib. Qarşılaşmada 11 vərəqə göstərilib ki, bu da mövsümün ən yüksək göstəricisidi. Bu vərəqələrdən biri qırmızı, onu sarıdı. Bunadək antirekord 1 qırmızı ilə 8 sarı vərəqənin göstərildiyi “Zirə” – “İnter” və “Neftçi” – “Zirə” görüşlərində qeydə alınmışdı.
Qeyd edək ki, “Zirə” antirekordunu Milan Duriç, Kamal Bayramov, Riçard Qadze, Sadio Tounkara, Jozef Bum, Adil Nağıyev və Təmkin Xəlilzadənin sarı vərəqələri ilə rəsmiləşdirib. “Qəbələ”də isə Urfan Abbasov, Voislav Stankoviç və Ekiqo Ehiosun sarı, Cavid Hüseynov qırmızı vərəqə alıb. (Apasport)