Ölkə futbolu
Endirilən, vəzifəsi alçaldılan Nərimanoğlu və xələfi
AFFA-nın İnformasiya və İctimaiyyətlə Əlaqələr Departamentini…
AFFA-nın İnformasiya və İctimaiyyətlə Əlaqələr Departamentinin rəhbərliyində dəyişiklik edilib. Mikayıl Nərimanoğlu vəzifəsindən azad edilib. O, bundan sonra Federasiyanın Komitələrlə iş üzrə koordinatoru kimi fəaliyyət göstərəcək.
Vakant posta müvəqqəti olaraq departamentin əməkdaşı Firuz Abdulla təyin edilib.
Bu, xəbərin rəsmi hissəsi. Düzdü, hələlik AFFA-nın rəsmi saytında bununla bağlı hər hansı məlumat yoxdu. Amma xəbər dəqiqdi və bir çox xəbər saytlarında yayımlanıb, heç kim tərəfindən də təkzib edilməyib. Deməli, tezliklə rəsmi təsdiqini də tapacaq.
Mikayıl bəyin birdən-birə bu qədər endirilməsi, kiçildilməsi səbəbsiz ola bilməz. Faktiki olaraq, o, Firuz Abdulla ilə yerini dəyişib. İndiyədək Məşqçilər, Klublar və Media komitələri ilə əlaqələndirici kimi Firuz bəy fəaliyyət göstərirdi, bundan sonra isə Nərimanoğlu bu işlərə təhkim edilib.
Mikayıl bəyin bu gün həm də “Kəpəz”in Müşahidə Şurasından qovulduğunu nəzərə alsaq, ardıcıl 2 zərbə alması səbəbsiz ola bilməz. Deməli, elə bir günah sahibidir ki, bu səviyyəyə endirildi.
Bizdə olan bilgiyə görə, maliyyə yoxlaması zamanı Nərimanoğlunun ciddi qüsurları üzə çıxıb. “Kəpəz”də maliyyəyə nəzarət edən bu adamın qüsurları FAKTla sübut olunub və o, qovulub. Həm də bu məsələ yüksək səviyyəli şəxslərin söhbətində ifşa olunub.
Eyni zamanda, “Neftçi” ilə son ev oyununun fasiləsində Gəncənin icra başçısı Elmar Vəliyev Nərimanoğluna əsəbləşib, hətta onu təhqir edib. O, 2-ci hissəyə də baxmadan stadionu tərk edib. Bildiyimizə görə, Vəliyevə ona qarşı Nərimanoğlu tərəfindən deyilən bir sıra sözlər də çatdırılıb. İcra başçısının kadrı olan icraçı direktor Cabir İbrahimovun sıxışdırılmasından başlayan problem sonda Elmar bəyin AFFA prezidentinə zəng vuraraq şikayətlənməsi ilə nəticələnib və onun hər iki vəzifəsini itirməsi beləcə – bir günün içində reallaşıb.
Vəliyev bu kimi hadisələri bağışlayan deyil. Vaxtilə Mehman Allahverdiyev də oxşar səhvinə görə ümumiyyətlə, Gəncə futbolundan kənara atıldı, hətta komandada məşqçi olan qardaşı Füzuli də bağışlanmadı. O zaman onların ifşasında rol oynayan Mikayıl bəy indi özü qırmağa düşdü.
12 ildi AFFA-da çalışan Mikayıl bəyin təyin olunduğu yeni vəzifə də müvəqqətidi. Baş katib Elxan Məmmədov onu “qovulmaq” ləkəsindən qorumaq üçün belə addım atıb. Amma dəqiqdi ki, Nərimanoğlu erası bitib, onu bir də səhnədə görməyəcəyik. Tamahın, özündənrazılığın mükafatı kimi…
Firuz Abdullanın təyinatı da maraqlıdı. Düzdü, o, Mikayıl bəyə müqayisədə bu posta daha layiqli, daha bacarıqlı və ictimaiyyətə daha açıq biridi. Amma axı, o da şura üzvüdü – “Səbail”in Müşahidə Şurasının üzvü… Yəni, bu ölkədə yalnız AFFA-da yalnız mətbuat xidmətində çalışa biləcək biri yoxdumu?
AĞA
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…