Ölkə futbolu
Qadın futbolunda xoşagəlməz mənzərə: mentalitet üzündən?!
AFFA-nın təşkil etdiyi müxtəlif liqalarda bu mövsüm…
AFFA-nın təşkil etdiyi müxtəlif liqalarda bu mövsüm 52 texniki məğlubiyyət qeydə alınıb. Yarşıların əksərinin sentyabrda başladığını nəzərə alsaq, bu, qısa müddət üçün çox böyük göstəricidi.
Futbolinfo.az xəbər verir ki, qadın liqalarındavəziyyət daha pisdi. Belə ki, texniki məğlubiyyətlərin böyük əksəriyyəti – 70 faizindən çoxu məhz zərif cinc nümayəndələrinin yarışında reallaşıb.
Bunun səbəbini öyrənmək üçün Kütləvi Futbol Departamentinin tərkibində fəaliyyət göstərən qadın futbol liqasının təşkili şöbəsinin rəhbəri Nəriman Axundovla danışdıq. Həmsöhbətimiz probleçlərin olduğunu etiraf etdi: “Yarışlara oktyabrın 14-də başlamışıq. Əlbəttə, 2 aya bu qədər texniki məğlubiyyət həddindən artıq çoxdu – oyunların təqribən 10 faizində belə nəticə qeydə alınıb. Yarışa 54 komanda ilə başlamışdıq və onlardan ikisi artıq uzaqlaşdırılıb”.
Axundov belə mənzərənin alınmasının səbəbini bilir: “Bizdə qadın futboluna son 7 ildə ciddi diqqət göstərilir. Bu səbəbdən çətindi. Əsas məsələ mentalitetlə bağlıdı. Müsəlman ölkələrində belə problem var. Lakin qadınların sağlam həyat tərzi yaşamasında maraqlıyıq. Buna görə də bu liqaları təşkil edirik. UEFA-nın tövsiyələri də var. Biz həm də qadın milli komandalarımıza oyunçular seçməliyik. Ona görə də bu liqaları təşkil etmişik və kütləvilik daha çox seçim imkanlarını çoxaltmaq üçündü. Bir növ seleksiya yarışıdı. İldən-ilə ələnmə gedəcək və normal liqa təşkil edəcəyik. Bilərəkdən yarışın miqyasını geniş götürmüşük ki, zaman keçdikcə say azalsın və rəqabətə davamlılarla işimizi davam etdirək”.
Nəriman bəy bizimlə söhbətində 2 qadın millimizin elit-raunda vəsiqə qazandığını vurğuladı. Lakin onunla da razılaşdı ki, 1 xalla qrupdan çıxan millilərimizdən böyük nəticə gözləmir: “Biz qadın futbolunda yeni ölkəyik. Təbii ki, milli komandalarımızdan böyük uğur gözləmirik. Lakin bütün ölkələrdə inkişaf belə gedib. Vaxtilə Almaniyada və digər ölkələrdə də belə olub”.
Axundov hər nə qədər qadın futbolunun vacib olduğunu bildirsə də, biz belə düşünmürük. Kişi futbolunda vəziyyətin arzuolunmaz olduğu bir zamanda qadın futbolundan nəsə gözləmək ağılsızlıqdı. Həm də ona görə ki, Nəriman bəyin də dediyi kimi, mentalitet onsuz da bu sahədə böyük irəliləyişə əngəl olacaq.
CAVAD