Milli komanda
Samir Abasov milliyə gedir
“Sumqayıt” yeni mövsümə Samir Abasovla başlam…
“Sumqayıt” yeni mövsümə Samir Abasovla başlamayacaq. Bu mövsümü çox uğurlu keçirən, avrokuboklara vəsiqəyə çox yaxın olan komanda baş məşqçisini dəyişəcək.
Hazırda 3-cü pillədə olan, ölkə kubokunda da yarımfinala vəsiqə qazanan “Sumqayıt”ın Abasovdan imtinası bir qədər qəribə görünə bilər. Amma bu, qaçılmazdı və əməkdaşlığın davam etməməsində hamıdan çox məşqçi maraqlıdı.
Riad Rəfiyevin prezident postuna gəlişindən sonra Elxan Abdullayevin “Sumqayıt”a baş məşqçi təyin olunacağı ilə bağlı yayılan xəbərlər boşuna deyil. O, komandanı dostuna tapşırmaq istəyir. Abasov da bu komandayla maksimuma nail olmaq üzrədi və Sumqayıtı başıuca tərk etməyi planlaşdırır.
Samir bu mövsüm elə işlər görüb ki, onun işsiz qalması mümkünsüzdü. Amma Abasov “Sumqayıt”da birgə işlədikləri Kamran Quliyev və Ceyhun Sultanovun rəhbər gəldikləri “Neftçi”də görünməyəcək. Məşqçinin son açıqlamalarından sonra onların bir yerdə işləməsi mümkünsüzdü. Yayda büdcə probleminə görə Roman Qriqorçuku yola salacaq “Qəbələ” də Samirin yeni iş yeri olmayacaq.
Futbolinfo.az saytının əldə etdiyi məlumata görə, U-21 millimiz bu məşqçiyə tapşırılacaq. Cari tsikl bitdikdən sonra Rəşad Sadıqov hazırda təmənnasız xidmət etdiyi yığmadan ayrılacaq və bu post məhz Abasova həvalə olunacaq.
Rəşadın kənara çəkilməsi təsadüfi deyil. O, hazırda yığmaya müvəqqəti rəhbərlik edir və futbolçu karyerasını bitirmək niyyətində deyil. İki işi eyni vaxtda icra etmək əlavə çətinlik yaratdığından Sadıqov bu postu güzəştə gedəcək. Futbolçu kimi qazandığı daha yüksək qazancı itirmək istəməyən “Qarabağ”ın kapitanının milliyə dönmək şansı da var. Bu səbəbdən o, hələ bir müddət də top qovmaq niyyətindədi.
AĞA
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq