Premyer-liqa
“Bakı”da maliyyə problemi
İndi hamı “Bakı”dan danışır. Uğurlarından və qəl…
İndi hamı “Bakı”dan danışır. Uğurlarından və qələbələrindən yox, problemlərindən.
“Zolaqlılar”ın idman nəricələrinin yaxşı olmaması bir yana, komandada ciddi maliyyə problemləri də baş qaldırıb. Milinko Pantiçin heç cür uğur qazandıra bilmədiyi komanda maaş problemindən də əziyyət çəkir. Başı “Atletiko” və “Lans”la bağlı layihələrə qarışan klub prezidenti Hafiz Məmmədov isə paytaxt təmsilçisinə vaxt ayıra bilmir.
Neçə aydı KİV-də gedən reklamlara görə ödənişləri yubandıran “Bakı” komanda üzvlərinə də 2 aydı maaş vermir. Maraqlıdı ki, İspaniya və Fransa klubları üçün kisənin ağzını açıq saxlayan Məmmədov daha doğma olan yerli komandanı ikinci plana atıb. Bu isə futbolçuların uğursuz çıxışında və komandanın zəif nəticələr göstərməsində az rol oynamır.
Ümumiyyətlə “Bakı”da belə problemlər son vaxtlar tez-tez təkrarlanır. Məsələn, Pantiç gələndə də maaşlar gecikmiş, hətta ötən mövsümün son 2 ayının maaşı avqustda verilmişdi. İndi yenə gecikmə var.
Dəqiq məlumatdı ki, ötən mövsüm vəziyyət daha acınacaqlı olub. Komanda uzvləri 2012-ci ildə avqustdan sonra tam 5 ay maaşsız oynamısdılar. Və 5 aylıq maaşlar fevralda verilmişdi. Komanda “altılıg”a vəsiqə qazananda maaşlar vaxtında verilmiş, kubokdakı uğursuzluqdan sonra da yenə eyni hal təkrarlanmışdı. Əslində, komandanın ötənilki uğursuzluğunun səbəblərindən biri də bu olmuşdu. Hətta Bojidar Bandoviçin 1 illik muqaviləsi qüvvədə ola-ola baş məşqçi postundan getməyə razılıq verməsinin əsas səbəbi də bu olmushdu. Bandoviç gedərkən komandadakılara “Bakı”da ciddi iş görməyin mümkün olmadığını demişdi.
Deyilənlərin nə dərəcədə doğru olduğunu öyrənmək üçün “Bakı” tərəfinin də mövqeyini öyrənmək istərdik. Ancaq düzü, kimə müraciət etmək lazım olduğunu belə bilmirik. Çünki ispanların paytaxt kubuna gəlişindən sonra kimin hansı postu tutduğunu, kimin nəyə cavabdeh olduğunu yalnız Hafiz bəy bilir. Bununla belə, klubun mövqeyini də öyrənməyə çalışacağıq. Ümid edirik ki, bu xəbərlər doğru deyilsə, “Bakı”dan kiminsə maliyyə problemi ilə bağlı deyilənləri təkzib etməyə cəsarəti çatacaq.
- Ölkə futbolu2024-04-17 17:17
Kadiri yeni məşqçiyə uyğunlaşır: “Zamana ehtiyacımız var”
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Müsahibə2024-04-17 16:07
Sekidika çempionatın səviyyəsindən razıdır: “İstənilən komandanı məğlub etmək olar”
- I Liqa2024-04-17 17:34
Apellyasiya Arbitraj Tribunalı AFFA İntizam Komitəsinin qərarını dəyişdi