Ölkə futbolu
“Neftçi” xatirə turnirinin qalibi oldu
“Neftçi”nin U-11 komandası bu klubun veteran futbo…
“Neftçi”nin U-11 komandası bu klubun veteran futbolçusu, Azərbaycanın əməkdar məşqçisi, SSRİ-nin idman ustası Valeri Hacıyevin xatirəsinə həsr olunmuş turnirin qalibi olub.
Futbolinfo.az xəbər verir ki, "ağ-qaralar” 2008-ci il təvəllüdlü futbolçular arasında keçirilən yarışın final matçında "Qarabağ”ı 7:3 hesabı ilə məğlub edərək, kuboka sahib çıxıb. Vüsal Kərimov 4 qola imza atıb. Komandanın digər qollarını Lorenzo Mezzotero, Əbdüləziz Cabbarlı və Rüstəm Hüseynli vurublar.
Qeyd edək ki, "Amasiya” İdman Kompleksində təşkil olunmuş, 2 qrupdan ibarət 8 komandanın mübarizə apardığı turnirdə "Neftçi” bunadək "Sərhədçi” (3:0), "Neftçi” İK İB (8:2) və "Amasiya ROFM” (6:6) komandaları ilə qarşılaşmışdı.
Yeri gəlmişkən, "Neftçi”nin U-16 komandası qış fasiləsindən sonra keçirdiyi ikinci oyunda da qələbə qazanıb. Paytaxt klubunun futbolçuları U-16 Liqasının 16-cı turunda "Qarabağ”ı 2:0 hesabı ilə məğlub ediblər. Komandanın heyətində Tural Axverdiyev fərqlənib. Bir dəfə isə avtoqol qeydə alınıb.
“Neftçi”nin U-19 komandası isə lider "Qəbələ” ilə səfər oyunundan 1 xalla ayrılıb. Gənclər Liqasının 16-cı turu çərçivəsində Qəbələ şəhər stadionunda baş tutmuş görüşdə qapılara qol vurulmayıb – 0:0.