Ölkə futbolu
Nazim Süleymanov: “Təəssüf ki, bu adamlar futboldan uzaq salınıblar”
Yeni yaradılan Azərbaycan Futbol İctimaiyyətinin Azad Həmkarlar ?…
Yeni yaradılan Azərbaycan Futbol İctimaiyyətinin Azad Həmkarlar İttifaqının nümayəndələri regionlarda görüşlərini davam etdirirlər.
Futbolinfo.az xəbər verir ki, növbəti belə görüş Masallı rayonunda futbol ictimaiyyətinin nümayəndələri ilə keçirilib.
Görüşdə Azərbaycan Futbol İctimaiyyətinin Azad Həmkarlar İttifaqının sədri Nazim Süleymanov, veteran futbolçular Səmədağa Şıxlarov, Samir Ələkbərov və Masallının futbol ictimaiyyətinin nümayəndələri iştirak ediblər.
Nazim Süleymanovun verdiyi məlumata görə, Masallının futbol ictimaiyyətinə təşkilatın yaranma səbəbləri, məqsəd və məramı, gələcək fəaliyyəti ilə bağlı məlumat verilib:
“Heç kimə sirr deyil ki, Azərbaycan futbolunda Masallının öz izi, dəsti-xətti var. Bu rayonun "Viləş” komandası futbolumuza xeyli istedadlı oyunçular bəxş edib. Çox təəssüf ki, "Viləş” fəaliyyətini dayandırdı. Ancaq o komandanın uğurlarında pay sahibi olan veteranları futbol sahəsindən silmək olmaz. Onların təcrübəsi, dünya görüşü yeni futbolçu nəslinin yetişdirilməsi üçün olduqca vacibdi. Həmin şəxslərlə görüşdə təşkilatın fəaliyyətini necə gördükləri ilə bağlı müzakirələr apardıq. Onların təkliflərini dinlədik".
Süleymanovun sözlərinə görə, belə veteranların potensialından istifadə etmək lazımdı:
"Çox təəssüf ki, bu gün həmin şəxslər futbol təsərrüfatından uzaq salınıblar. Hər hansı bir təşkilat da olmayıb ki, bu insanlar orda təmsil olunub sözlərini deyə bilsinlər, təkliflərini səsləndirsinlər. Bir sözlə, futbolumuzun inkişafı naminə bilik və bacarıqlarını sərf etsinlər. Masallıda çox səmərəli görüşümüz oldu. Futbol ictimaiyyətinin nümayəndələri həm təşkilatın gələcək fəaliyyəti ilə bağlı fikirlərini bildirdilər, həm də ümumilikdə Azərbaycan futbolunun durumu ilə bağlı müzakirələr apardılar, təkliflərini səsləndirdilər”.
Azərbaycan Futbol İctimaiyyətinin Azad Həmkarlar İttifaqının nümayəndələrinin ilk görüşü Gəncədə baş tutmuşdu. Süleymanovun sözlərinə görə, belə görüşlər davamlı olacaq.
- Ölkə futbolu2024-03-15 11:15
Juninyo “Qarabağ”dan gedişindən danışdı: “Futbolda hər şey ola bilər”
- Müsahibə2024-03-15 18:14
“Sonuncu olan komanda Premyer Liqanı tərk edəcək” – Sərxan Hacıyev
- Ölkə futbolu2024-03-16 08:00
“Neftçi”nin 6 xallıq qələbəsi
- Dünya futbolu2024-03-15 16:34
Avroliqada 1/4 finalın püşkü atıldı, “Bayer” ingilislərə rəqib oldu